بلوچ زالبولانی زرمبش ءِ گال جنگ ءِ هلاپ ءَ

ما اے گالاں غم، زھر ءُ تباہی ءِ وھد ءَ نبشتہ کنیں؛ ھما روچاں کہ مرگ ءُ تباہی ءِ مدامیں ترس هرروچ ءِ تجربہ یےجوڑ بوتگ ءُ گپ جنگ ءِ امکان وت پہ یک گرانیں ءُ خطرناکیں کارے ءَ بدل بوتگ۔ ما یک انچیں جغرافیہ ءِ گپ ءَ کنیںکہ سالانی سال اِنت کہ حاشیہ ءَ بوتگ، بلے مدام زوراکی ءُ زلم ءِ تناظر ءَ زندگ بوتگ؛ بلوچستان ءِ کہ مدامسیکورٹی ءُ‌ فوجی پالیسیانی مان اولی قربانیانی تہا بوتگ۔

ما کہ بہرے چہ بلوچ زالبولانی چاگرد ءَ ایں، زلم ءُ زوراکی، اعدام ءُ جنگ ءِ گیش بوھوکیں چکر ءِ ھلاپ ءَ یک ھاسیں ءُ بے رھبندیں موقفے زوریں.

جنگ: تباہی ءِ ھمگرنچ اِنت، آجوئی ءِ راہ نہ اِنت

ایران ءِ سرا امریکہ ءُ اسرائیل ءِ فوجی اُرش ھرچ نام ءُ توجیل ءِ رد ءَ مرگ ءُ تباہی ءُ بے رھبندی ءِ شنگ ءُ تالان کنگ ءَ ابید دگہ ھچ نہ اِنت۔ مُلکے ءِ تاریخی تجربہ چہ عراق ءَ بگر داں اوگانستان ءُ شام ءَ اے گپ پدر اِنت کہ جنگ نہآجوئی ءِ نیمگ ءَ روت ءُ نہ عدالت ءِ نیمگ ءَ؛ اے زندگیں بنیاتی ڈھانچہ ءَ ھلاس کنت، سوشل نیٹ ورکاں سِندی‌ایت ءُ لک لکاں مردمانی زند ءَ تباہی ءِ جہل ءَ کشّ اِیت۔ جنگ ءَ پد ھما چیز کہ ھست اِنت آ آجوئی نہ اِنت بلکیں تباہی، مزنیں کچے ءَ گریبی، آوار ءُ زوراکی ءُ آمریت ءِ نوکیں دروشم ءِ پدا ودی کنگ اِنت۔.

اے وڑیں جاوراں کہ جمہوریہ اسلامی وت یک سرکوبیں قوت ءِ بستار ءَ سالانی سال اِنت کہ مدنی ءُ امنیں جنبشاںگوں زوراکی ءَ منظمیں رنگے ءَ ٹپّی کنگ ءَ اِنت ءُ ہر لوٹ ءِ توار ءَ گوں دزگیری، ٹارچر ءُ اعدام ءَ پسو دیگ ءَ اِنت، جنگ ءِ بندات نہ ایوک ءَ اے سرکوب ءِ چکر ءَ نزور نہ کنت بلکیں ایشی ءَ گیش ءُ ڈڈ کنت۔ تجربہ ءِ رد ءَ جنگی جاور ءِ تہا حکومت ”راجی ایمنی“ ءِ گپ ءِ سرا ملکہ سرکوب ءِ دائرہ ءَ گیش کن اَنت ءُ ہرچ زھرشانی ءَ کہ حکومت ءِ زندمانءِ ھاترا ھترہ اِنت ، سرکوب کن اَنت۔.

ہر لشکری ​​اُرش، ھاس ایران ءِ وڑیں ملکے ءَ ، مستقیم ءُ تباہ کنوکیں آسراتی ءِ واھند بنت: سڑکانی سرا پوجی گیشبیت ، سیکورٹی ءُ کنٹرول ءِ جاہ گیش بیت ، سیکورٹی ءِ مبہمیں الزامانی سر ءَ مزنیں کچے ءَ دزگیری گیش بیت ، کوریں سرکوب گیش بیت ءُ زھرشانی کنوک مستقیم نشانگ ءُ جَنَگ بنت۔ چوشیں جاوراں وت ایمرجنسی ماھولے ءِ ساہگ ءَ، چہ عدالت ءَ دریں اعدام ھم گیش بنت ءُ ”درملکی جنگ“ ءُ ”ملک ءِ سرکوب“ ءِ میانے سیم سر چست بنت؛ انچیں وڑے ءَ کہ چاگردی زند ءِ ھرچ پڑ ءَ زوراکی گیشتر ادارہ جاتی بہ بیت۔.

چہ ایشی ءَ ابید، آپ ءُ بجلی ءَ بگر داں جان سلامتی ءُ وانگ ءُ زانگ ءِ مراگشانی بُنپد ءَ ویران کَنَگ مردمانی روچمرزی زند ءَ را یک جہلیں بحرانے ءِ تہ ءَ کشّگ ءَ اِنت۔ بنیادی خدمات ءِ دستکپی گیشتر محدود بیت اِنت، پکیری ءُ نابرابری گیش بیت اِنت ءُ حاشیہ ءِ سرا نشتگیں گل گیشتر شموشگ ءِ ھترہ ءَ کپگ ءَ اَنت۔ زالبول، چُک ءُ چاگرد ءِ حاشیہ ءِ مردم اولی ءُ گیشتر اے جاور ءِ آماچ بنت۔

جنگ آجوئی ءِ راہ نہ اِنت، بلکیں ہمے جاور ءِ برجاہ دارگ ءَ گیش کنگ اِنت کہ ما سالانی سال اِنت گوں آئی ءَ زندگبوتگیں؛ یک جاورے کہ زند گوازینگ چہ زوراکی، زلم ءُ محرومی ءُ ھترہءَ پُر اِنت۔ پمیشکا ما جنگ ءَ آجوئی ءِ راہ ءِ رنگ ءَ نہ گندیں بلکیں ھما بُنیادے دیمرویے رنگ ءَ گندیں کہ مردماں چہ زند ءَ زبھر کن اَنت۔

بلوچستان؛ یک مدام‌ایں جنگ ءِ حالت ءَ زند گوازینگ 

پہ بلوچ راج ءَ جنگ نوکیں چیزے نہ اِنت۔ سالانی سال اِنت کہ ما انچیں جاورے ءَ زندگ بوتگ‌ایں کہ سیکورٹیزیشن، سرکوب، ڈھانچہ ءِ فقر، اعدام ءُ زندہ ھلاس کنگ مئے روچ مرزی حقیقت اَنت۔ مئے کوچگ ءُ شھراں باز رند ءَ آرام‌ایںزھرشانی ءِ سرکوب کنگ شاھد بوتگ انت؛ مردماں تیرے نشانگ جوڑ کنگ بوتگ؛ امنیت ءِ ارشانی سر ءَ مزنیں کچے ءَ دزگیر کنگ ءُ راج ءِ چاگرد ، روزگار ءُ دود ءُ ربیدگ ءِ سر ءَ مدامیں زور ءُ دباؤ ءَ زند ءَ را دفاعی ءُ مدامیں ھترہ ءِ جاورءَ بدل کتگ۔.

چوشیں جاوراں ھرچ درائیگ‌ایں اُرشے نہ ایوک ءَ جاوراں شر کنگ ءَ کمک نہ کنت بلکیں پہ زوراکی ءِ گیش کنگ ءَ ، دزگیری ءُ کوریں سرکوب ءِ گیش کنگ ءَ اندری سرکوبیں قوتانی دستاں پچ کنت۔ اے اُرش ایمرجنسی ءُ سیکورٹی ءِ چاگرد ءَ گیش کن اَنت، مردمانی زند ءِ بنیاتی ڈھانچہ ءَ گیشتر ھلاس کن اَنت ءُ راج ءُ سرکار ءِ نیام ءَ بے بروسہ‌گی ءَ گیش کن اَنت۔ اے چکرے آسر فقر ءِ پدا زندگ کنگ، ناامنی ءِ گیش کنگ ءُ بلوچ راج ءِ گیشتر بے وس کنگ اِنت؛ یکانچیں جاورے کہ ایشی ءِ تہا حاشیہ ءِ دمگ چہ دگہ جاہاں گیشتر بحران ءِ تہا بھر وار انت۔

بلوچستان ءِ تہا زندگی کنگ، اے لیکہ ءِ تہا، مدام جنگ ءِ حالت ءَ زندگی کنگ اِنت؛ یک جنگے کہ یک نیمگے ءَ اندریسرکوبی ءِ سبب ءَ ءُ درملکی مداخلت ءِ ھترہ ءِ سبب ءَ برجاہ اِنت کہ ھر روچ آئی ءِ تباہ کنوکیں پھنات گیش بنت۔

ما اے گپ ءَ گوں ھاسیں رنگ ءَ جار جنیں کہ اسرائیل ءُ امریکہ ءَ اے تباہ کنوکیں جنگ پہ ایرانی راج ءِ انسانی ھک ءُ آجوئی ءِ دفاع ءِ ھاترا بندات نہ کتگ ءُ نہ ھنچو وتی دست ءِ چیریگیں رسانکدر ءِ دیم ءَ آؤرتگیں فریبندیں روایتانی ردءَ ، چوش کہ ایران انٹرنیشنل ، ”ایرانی راج ءِ رکّینگ“ ءَ بندات بیتگ.

ھمے وھد ءَ ما جمھوریت اسلامی ایران ءَ ھم یکے چہ مستریں گناہ گار ءُ انوگیں آفت ءِ جاوراں ذمہ وار زان‌ایں۔

اے سرکار ءِ رِکارڈ چہ زوراکی ءُ انسانی ھکانی لگتمالی ءَ پُر اِنت: چہ زھرشانی کنوکیں مردمانی کُشگ ءُ امن ءِ دیوانانی ھونی سرکوب کنگ ءَ بگر داں وتی مرضی ءِ دزگیری، زوراکی ءِ اعتراف، شکنجہ ءُ ٹولی ءِ اعدام ءَ؛ ءُ ھمےرنگ ءَ چاگرد ءِ مزنیں بھرے ءِ بنیاتی زندمان ءُ مدنی ھکاں چہ زبھر کنگ بوتگ۔

ما شموشکار نہ ایں کہ جنوری ءِ زھرشانی ءِ وھد ءَ تیر مردمانی سینہ ءَ نشتگ ءُ ھاندان وتی نزیکیں مردمانیشوھاز ءَ گار ءُ بیگواہ ءُ بے وس بوتگ اَنت۔ ھما چیز کہ بوتگ ات آ استثنا نہ ات بلکیں اقتدار ءِ ڈھانچہ ءِ برجاہیںطریقہ کار ءِ جلوه ات۔

نوں جنگ ءِ میان ءَ سرکار وت انٹرنیٹ ءِ کٹگ ءَ، ارتباط گرگے کم کنگ ءَ، امرجنسی پناہ گاہانی نیستی ءُ سکیںبندشانی ایر کنگ ءَ مردمانی روچ مرزی زند ءِ سرا زوراکی ءُُ سرکوبی ءِ نوکیں دروشمے ایر کنگ ءَ اِنت۔ ترس ءُ بیم ءُ زہرشانی گوں بمب ءُ فوجی اُرشانی مدامیں ھترہ ءَ مردمانی روچ مرزی تجربگ ءِ یک بہر جوڑ بوتگ ءُ آھانی زند ءَ رُعب ءُ ناامنی ءِ ساہگ ءَ چہ کشّ اِتگ۔

جنگ لوٹی ئے ءَ گوں سیمسر بندی

ھمے وھد ءَ ما وتی سیمسر ءَ گوں ھرچ جنگ لوٹوکیں پارٹی ءَ ، ھرچ نیمگ ءَ جتا کن‌ایں ۔ ھما کہ درملک ءَ، امنیت ءِ تہ ءَ، لشکری ​​مداخلت ، ناتوان کنوکیں پابندیاں ءُ بمبتراک ءِ لوٹ کن اَنت ، زوراکی ءُ تباہی ءِ چکر ءَ پدا دیم ءَ کار اَنتءُ بے دفاعیں راجانی رنج ءُ مرگ ءِ نیمگ ءَ ھچ دلگوش نہ دنت ۔

بادشاہ لوٹان ءُ دگہ جنگ لوٹوک‌ایں گل یورپ ءُ امریکہ ءِ کوچگاں گوں وشّی ءُ ناچ ءَ اَنت ءُ ”شکر اِنت ٹرمپ“ ءُ ”شکراِنت نیتن یاہو“ ءِ وڑیں نعرہ جن اَنت ءُ ناشرکاریں ریاست اسرائیل ءِ بیرک ءَ لہڑ اَنت ءُ ھمے وھد ءَ راستی ءَ سرپدبوھگ ءَ ناکام اَنت: اسرائیل ءَ لبنان، شام ءُ فلسطین ءِ سر ءَ قبضہ کتگ۔

ھمے وھد ءَ یورپی پارلیمنٹانی تہ ءَ بے دروریں بے شرپی ءَ گوں وت ءَ یک برتریں کئومے ءِ بستار ءَ پیش دار ایت، یکانچیں نسلے کہ چہ گلوبل ساؤتھ ءِ دگہ راجاں جتا اِنت ءُ آھانی ھال ءَ سرکپ نہ بیت۔

اے گل میناب ءَ بے گناہیں زھگ ءُ دگہ جنگ ءِ آماچیں مردمانی کُشگ ءِ سرا چماں بند کن اَنت یا اشی ءَ ”آزاتی“ نامیں وہمے ءِ بہرے لیک اَنت کہ آہاں جوڑ کتگ۔ ھمے وھد ءَ آ پہ ایران ءِ سرزمین ءِ سر ءَ اُرش کنوکیں امریکیسپاھیگانی کُشگ ءَ ارساں ریچ اَنت بلے ایرانی جنین ءُ چُکانی کُشگ ءِ سر ءَ بے توار اَنت۔ بادشاہی لوٹانی رہشونرضا پہلوی ءَ اے گپ ءَ گوں ھاسیں رنگے ءَ پیش داشتگ کہ آ وتی پت ءِ حکومت ءِ رد کنوکیں راج ءِ ھلاپ ءَ اقتدار ءُ انتقام ءِ پدگیری ءَ کنگ ءَ اِنت۔ نہ ایوک ءَ آ چہ راج ءِ مرگ ءُ رنجاں بے پرواہ اِنت ءُ جنوری 1404 ءَ بیران بوتگیںمردماں گوں ھاسیں رنگے ءَ ”جنگے ٹپی“ گْوش اِیت بلکیں ٹرمپ ءَ ھوار درملکی زوراکاں گوں دیم پہ دیمیں رابطہ ءَ انت ءُ پہ وتی زاتی مول ءُ مراد ءِ سرجم کنگ ءِ ھاترا منت واری کنت ءُ فوجی مداخلت ءُ درملکی اُرشانی جائزی ءِ لوٹکنت۔ رضا پہلوی ءِ واھگ اِنت کہ آ بنیاتی ڈھانچہ ءَ ھلاس بہ کنت، پابندیاں گیش بہ کنت ءُ ایران ءِ راج ءَ مزنیںکچے ءَ بہ کُش اِیت۔  

گذارے رہشونے ءِ دعویٰ کنگ ءِ وھد ءَ ایرانی راج ءِ زمین ءِ مالکیت ءِ وہم ءِ چیر ءَ ، وت منت ءُ واری ملک ءِ سرا اُرش ءِ رندا انت، آ ھما مردمانی کشتار ءِ تہ ءَ مستقیمیں شریک اِنت کہ آ جمہوریت ءُ راستیں انصاف ءَ منّ اَنت ءُ سالانیسال ءَ ایرانی ھاک ءِ سر ءَ مدنی ءُ آجوئی لوٹوکیں جھد ءِ راہ ءَ کار کتگ ۔ 

آئی ءِ کار نہ آجوئی اَنت، نہ مردمانی ھک ءِ دفاع اَنت، بلکیں آ ھما زوراکی ءُ مردمانی ھون ءُ رنجانی چکر ءِ برجاہدارگ اَنت کہ آئی ءَ اے درستیں سالاں دیم ءَ برتگ اَنت۔

ما اے گپ ءَ گوں دلجمی ءَ رد کنیں کہ آجوئی ءُ انصاف چہ زوراکی، بمبتراک ءُ درملکی مداخلت ءَ رس اِیت۔ راستیںآجوئی ایوک ءَ چہ مدنی جھد، آجوئی لوٹوکیں جنبش، چاگردی یکوئی ءُ پہ درستیں مردماں انسانی ھک ءُ انصاف ءِ سرا اصرار کنگ ءَ ممکن اِنت ءُ ھچ سلاہ ایشی ءَ مسلط نہ کنت۔

جنگ، اعدام ءُ سرکوب ءِ ھلاپ ءَ

جنگ ایوک ءَ جسمانی تباہی ءَ گوں بندوک نہ اِنت؛ اے چاگردی بُن ھشتاں ھم ٹُکّر ٹُکّر کنت ءُ انسانی بندوکاںھم ھلاس کنت۔ ما را اے باور هست کہ جنگ ءِ دیم ءَ آرگ ءِ پالیسی ، چہ سرکاراں بہ بنت یا اپوزیشن ءَ ، گُڈ سر ءَ چاگرد ءِ ٹکّر ٹکّر کنگ ، چاگردی یکوئی ءِ نزور کنگ ءُ اجتماعی زند ءِ ھلاس کنگ ءِ سوب بنت۔ اے کار نہ ایوک ءَ چہدیمروئی پسندیں ءُ اسلامی جمہوریہ ءِ ھلاپ‌ایں گل ءَ نشانگ جوڑ کنت بلکیں ایران ءِ سرجمیں راج ءَ را چاگردیھرابکاری، بے رھبندی ءُ ناامنی ءِ ھترہ ءَ ھم آماچ کنت۔

ژین زیان آزادی ءِ زرمبش‌ ءِ تجربہ ءَ ما ہما مشکلیں راہ ءُ بے نہ‌ رپتگ‌ایں راہانی گواہ بوتیں کہ ما چہ آہاں سفر کتگات ءُ بنیاتی بدلی مان چاگرد ءَ جوڑ کتگ ات۔

ما دیست کہ چوں زالبول، کوئر ءُ حاشیہ ءِ مردم چہ کِرٌ ءَ اتک انت دلگاه ءَ ، وتی توار ءَ پدا زرتگ ءُ پہ بنیاتی حق ءُ آجوئی ءَ گپ جتگ۔ ما دیست کہ دیمروئی پسندیں جنبشاں چوں وتی دست‌اش گپت ءُ آجوئی ءِ نیمگ ءَ کشّ اِت ءُ ماتوانمند بوتیں کہ اسلامی جمہوریہ ءِ زور ءِ کسانیں بہرے ءَ ہم پد ءَ کشّ اِت۔ 

ما راجدپتر جوڑ کت۔ ما پُشت ءَ نہ کپیں، ما زرمبشانی مرگ ءَ نہ چاریں، ما ملک ءِ ھلاس کنگ ءَ نہ منّیں ءُ ماگوستگ‌ایں ھونیگیں دہائیانی پدا واتر بوھگ ءَ نہ گندیں۔ ما بلوچ زالبول سرمچار پیداک بیتگ‌ایں ءُ جنگ، زلم، زوراکی، ءُ انٹرنیٹ بند بوھگ ءِ میان ءَ ھم وتی زھرشانی ءِ توار ءَ چست کنیں ءُ اے توار ءَ دگنیا ءِ دیم ءَ شنگ کنیں۔

اولی بھر ءَ ما گوں دلجمی ءَ جار جنیں:

نہ پہ‌جنگ ءَ، ءُ ما جنگ ءِ ھلاپیں گلانی جوڑ کنگ ءُ زورمند کنگ ءَ لوٹ کنیں کہ درملکی بمبتراک ءُ ھرچ وڑیں فوجیزوراکی ءَ را زوت بند کنگ بہ بیت۔

دیمترا ما وتی بُنکی ءُ بے رھبندیں ءُ بی سرگوزیں سر ءَ زور دئیں: ما ھرچ جاور ءَ موت ءِ سزا ءِ ھلاپ ءَ ایں، مادراھیں بندیگاں، ھاسیں رنگ ءَ زھگ ءُ نودربراں زوت یلہ کنگ ءِ لوٹ کن ایں ءُ شو ٹرائل ءُ زوراکی ءِ اعتراف ءَ مذمتکن ایں ۔ ما ھرچ درملکی فوجی مداخلت ءُ بمبتراک ءَ رد کنیں ءُ ھرچ وڑیں سرکوب ءُ زوراکی ءِ ھلاپ ءَ اوشتاتگیں۔

تباہی جمہوریہ اسلامی ءِ تباھی ایوک ءَ ایران ءِ مردم۔ ءِ دست ءَ انت۔

نہ جنگ ءِ سرا، نہ اعدام ءِ سرا، نہ سرکوب ءِ سرا۔

ہاں پہ زالبولاں، ہاں پہ زند ءَ، ہاں پہ آجوئی ءَ۔

ژن ژیان ئازادی تاں ابد...

بلوچ زالبولانی زرمبش