د نجونو پر ښوونځیو د اسلامي جمهوریت د کیمیاوي بریدونو پر ضد
آزاتين زِندۓ حق، جهانا هنچوشين پدَّرين حقّے انت كه مرد مَستري سيستم، سياسي اسلامۓ ايدئولوجي وايرانۓ زؤرانسر و فاشيستين سرؤكان، مردمانا چه اے حقا زبهر كرتگ. جمهوري اسلامي قانونانۓ رِدا، جنينان مان ايرانا، چه وتي بُنياتي انساني حق، په دروَرا پؤشاكۓ گچين كُرتني حق، سانگ، مُهر، كسانين چُكاني سرپرستي ودارَگ، وانگ و رانگ، مسافرت، وتي زِند و جهمنند بوتني اختيار، مُلكۓ دربوتني حق، زهگاني تابعيت چه ماتۓ نيمگا، جنيناني سرنوشتۓ حق زبهر انت و آهانا وتي رندۓ اختيار نيست انت و آهاني "پُژواجه"، چوشكه لؤگواجه، ناكو، وسِرک، و تنتن پيرُک و دگه مردينان، جنيناني واهُند زانگ بنت و حيا و غيرت و ناموسۓ ناما، تواننت، جنينا چه وتي زِندا هم زبهر بكننت!
مان ايرانا، قانون و رواج، جنينان و دگه رنگارنگين مُچّياني زندماني حقا گار كرتگ. جنينان و رنگارنگين مُچّيان هم الّما خاموش نبوتگ انت و وتي توار و زهرشاني، مان هر وهدا پيش داشتگ. ژينا امينيۓ سركاري كؤش، ژينا وزال-زِند- آزاتي انقلابي زرمبشت كه جنياني آزاتيۓ راها چه شهريور ماه (سپتامبر) بنگيج بوت، كمے وهدا رَند همراه و همكؤپگ گون دگه مخالفان و ملت و قومان و دگه اقليتين مردمان، تيوگين ايرانا شنگ و تالان بوت انت و وتي دگه بازين حقاني واهگا هم جار جت.
ایرانۓ اسلامی جمهوری سرکار وتی تمامین عمرا كوشست كرتگ كه چه كسانين زهگان بگر تان دبستان ودبيرستانا و مزَن دربرجاهانا، وتي اسلامي ايدئولوجي ديما ببارت كه وتي سركارا ايمن بكننت. البت همے زهگان ونوك ورنايان و خاصكار جنِكان، آهاني ديما اؤشتات انت، پميشكا اسلامي جمهوري سركار، فيصله كرت كه وتي گيشترين زؤرانسريا كارمرز بكنت. الم انت كه مرد مستري سيستم گؤن جنيناني بند كنگا برجاه انت، جنينان وجنِكّاني آزاتي و برابري واهگا نمنّ ايت. ايوهدي وانگجاهانا هم ارُش يارتگ.
سيستماتيك وهمك رؤچين شيميايي ارُش جنكاني وانگجاهاني سرا (و لهتين بچكاني وانگجاهاني سرا هم)، كه آهانا دِلپَٹّ بكنت، آهاني جانسلامتيا وتي آماچ كرتگ. تيوگين مردماني سرا زؤرانسري گيشتر بيان انت. تنيوهدي داكتر وجانسلامتي زانتكاران، چوشين شيميايي زَهراني باريا گپ نجتگ و وانگجاهاني اداره هم چه امنيتي تُرُسا چُپت بوتگ و گپ نجن انت.
زال- زند- آزاتي انقلابۓ درگتا، اسلامي جمهوري سركار، كه هر رؤچ ادعا كنگا انت كه تمامين تهرؤز كنؤك ومخالفانا زانت، آهانا مان خيابان و شهران جنت و كُشييت، ٢٠ هزار مردما بنديگ كرتگ و ٤ نفرا زوتا زوت پاهو دات، هنون گندين كه وانگجاهاني شيميايي ارُشا دگه پيمين كار كنت كه چونائيا نتوانت شيميايي حمله كنؤكانا دربگيج ايت كه هزاران درس وانوكين نوك ورنائين جنكانا وتي سُم و زهر داتگ! يك رؤچے گوشيت، اے چكاني وتي گوازي انت، دگه رؤچے گوشيت كه اے چونائيا "هيستريك" بزان ناهؤدگين تُرس انت و دگه رؤچے يك و دو مردما دروگين وزؤرين گپ پرمائين ايت. البت پدّر اِنت كه بئيد چه سركاري نظامي دستا، دگه هچكس نتوانت اے پيمين شيميايي ارُش تيوگين مُلكا ديما ببارت. سركارۓ دست مان اے ارش پدّر انت و آ لؤٹيَت كه هنچوشين ترُس و بيمے تالان بكنت كه جنكان لؤگا بنند اّنت و وتي چاگردا بهر مزور اّنت و اے ورنا و آزاتي لؤٹوكاني جانسلامتي تاوان بگنديت.
ما وتي پُشتيوانيا چه درس وانوكان و آهاني لؤگۓ مردم و همے پيما چه فعال و مردمان جار جنين.ما چه ميان اُستماني اداره هان لؤٹين كه پدّر و آشكار و زوتيا، زهگان و نوك ورنائين درس وانوكاني سرا سيمتلئ ارُشا ترنديا اير بجننت و ايرانۓ اسلامي جمهوري سركارا پانه بكننت كه پسّو بدنت.
نوکیں رویداد
-
اِمزا ءِ جاه
اُستان Number of signatures روبرکتی آزربئیجان ۱ مشرکی آزربئیجان ۱ اردبیل ۰ اِسپَهان ۰ البرز ۰ ایلام ۰ بوشهر ۰ تهران ۰ چارمهل و بَهتییاری ۰ جنوبی هراسان ۰ رِزوی هراسان ۰ شمالی هراسان ۰ هوزستان ۰ زنجان ۰ سمنان ۰ سیستان و بلوچستان ۰ پارس ۰ کَزوین ۰ کُم ۱ کردستان ۰ کرمان ۰ کرمانشاه ۰ کهگیلویا و بویراحمد ۰ گلستان ۰ گیلان ۰ لرستان ۰ مزَنداران ۰ مرکزی ۰ هرمزگان ۰ همدان ۰ یزد ۰ -
Latest signatures
-
-
حمایت از دادخواست
-
عملیات تروریستی
-
علیه مسمومیت های سریالی مدارس
-
.
-
-
جمعی از فعالان فمینیست در ایران ءَ ای اَرزی بندات کرتگ
حی طلبی