بلۆچ چُکّانی بُڈّگ مان هۆٹگان
بلۆچستانا مُدام هۆٹگ کُربانێگَ گرنت و گێشتر اے گْونڈۆ اَنت که آییئے کربانیگَ بنت. «هۆٹگ» بلۆچی زبانا هما جُهلێن کَلّا گْوَشنت که په مۆسُمی هئورانی دارگا جنَگَ بیت و آییئے آپ په مردم و دلوَت و کِشت و کِشاران کارمرزَ بیت.
اے یک کْوهنێن بلۆچی سیستمے بوتگ که زمانگان په آپئے دارگا کارمرز بوتگ و په بلۆچئے یک جاگاهاه نندگا مزنێن کارستێئے واهند اِنت.بله بژن اِنت که اے زمانگا همے هۆٹگ بلۆچئے چکّانی ساها گِرَگا اِنت.
- ۲۴ اردیبهشت 1401 آ سئے نپر که دو نپر چه آیان چکّ بوتگاَنت سلۆربازارا دشتیاریئے یک کلّگێا هۆٹگێا بڈّتگ و بێران بوتگاَنت .
- ۳۰ اردیبهشت ۱۴۰۱ آ ,ساجدہ بخشان یازدہ سالیگێن جنکّے که چهبارئے زهراپا نندۆک بوتگ، لۆٹتگی که وتی پسانی واستا چه هۆٹگا آپ بکشّیت آپا کپتگ و مرتگ.
- 6مرداد ۱۴۰۰ آ آتنا چارسالیگێن گونڈۆے پلّانئے جمائتزهیا لئیبئے تۆکا هۆٹگا لکُشتگ و کپتگ و همۆدا بڈتگ.
- ۸ خرداد ۹۸ آ سئے چهبارئے کموبازارئے نۆدربر که آیانی نام منیره خدمتی، مریم خدمتی، و یسرا دلشب اَت په آپئے برگا شتگاتنت ؛ هۆٹگا کپتگ و مرتگانت.
- ٧ مرداد ماه ١۴٠١ آ مهمود بادفر پلّانئے للّئو بازارئے گْونڈۆے وهدے که هۆٹگێا کپتگات و بێران بوتگ.
- ۱۰ مرداد ماه ۱۴۰۱ آ ، سلمان براهویی هپت سالیگێن کاروالاێن گْونڈۆے که دزّاپئے نُسرت آبادئے نندۆک بوتگ شهرداریئے جتگێن کلّێئے تۆکا کپتگ و وتی جانی باهێنتگ.
- ١٢ مرداد ماه ١۴٠١ آ اِسماێل چالاکی یک بلۆچ نۆکورناے سێب سۆرانا، کهن کرمشاهئے کلّگا یک هاکی بندێئے آپا کپت و بێران بوت.
- ۱۴ مرداد ۱۴۰۱ آ متهّره چاکری ۱۵ سالیگێن جنکّے چه جالگِ گُلشنا کلّگانئے کئورا کپت و ساهی دات.
- ۱۸ مرداد ماه ۱۴۰۱ آ ، یکّ ۴سالیگێن بلۆچ گْونڈۆے کَسِرکَندئے تلنگا آپئے کلّێئے کپگا ساهی دات.
- چهارشنبه ٢۶ مرداد ماه ١۴٠١ آ ، سربازئے ماتکئورا پنچ گْونڈۆ و نۆکورنا که پیشّنئے نندۆک بوتگاَنت، پیشّنئے پُهلئے چێرا بڈّتگاَنت که اے وئیلا دو جنکّ بێران بوتگ.
- اے لڑ بس لهتێن انچێن دلپدردێن هال اَنت که اے سالانی تۆکا بلۆچ گونڈۆانی بڈّگ و مِرگئے درورا پدّرَ کننت.
تنینگه چه هۆٹگ و آپئے وئیلانی مرک و میران برابرێن هساب و کتابے دستا نکپتگ. بس چهبارا 1075 هۆٹگ هست که ٹٹ جنگَ لۆٹنت.
بلۆچستانئے زِمّه داران تنینگه بئید چه مپتێن گپّ و کئول و کراران په سپاێن آپئے لئینا هچ کارِش نکرتگ و اے کلّگان بس لهتێن جاهان آپ گۆن ٹانکان برگ و رسێنگَ بیت.دئولتا هچ ارادهے په کلّگانی آپرسانی و هۆٹگانی اڈ کنگا نێست و اے گپّئے مانا اش اِنت که چکّانی مَرکئے نئوشّێن هال رندا هم مدام مارا سرَ بنت.
بلۆچستانئے کلّگ باید اِنت که نۆکێن سیسٹمئے آپی لئین کشّگ ببیت و دایمی آپئے آسراتی ببیت. مۆسمی هئور بهداشتی و سالم و اێمنێن هئوزان درپ کنگ ببنت. اے هستێن هۆٹگ درگێجگ و اێمن کنگ ببنت. ما چه بلۆچستانئے زمهواران لۆٹێن که اے مدامی مرک و میرانی دلپدردێن هالان بهاشکننت و گۆن آسراتیئے آرگا اے هالان آسر بکننت.
نوکیں رویداد
-
اِمزا ءِ جاه
اُستان Number of signatures روبرکتی آزربئیجان ۱ مشرکی آزربئیجان ۱ اردبیل ۰ اِسپَهان ۰ البرز ۰ ایلام ۰ بوشهر ۰ تهران ۰ چارمهل و بَهتییاری ۰ جنوبی هراسان ۰ رِزوی هراسان ۰ شمالی هراسان ۱ هوزستان ۰ زنجان ۰ سمنان ۱ سیستان و بلوچستان ۲ پارس ۰ کَزوین ۰ کُم ۰ کردستان ۱ کرمان ۰ کرمانشاه ۰ کهگیلویا و بویراحمد ۰ گلستان ۰ گیلان ۰ لرستان ۰ مزَنداران ۰ مرکزی ۰ هرمزگان ۰ همدان ۱ یزد ۰ -
Latest signatures
-
منیکا
-
Anonymous
مظلومیت مردم
-
شهبانو قدیمی
رفع فقر کودکان بلوچ
-
مریم
کودکان بلوچ
-
مهسا
غرق شدن کودکان بلوچ در هوتگ ها
-
-
جمعی از کنشگران بلوچ ءَ ای اَرزی بندات کرتگ
بلوچستان جزوی از خاک ایران است و هر شهروند بلوچ حق یک زندگی استاندار با معیارهای بهداشتی و حقوقی دارد.