بلۆچستان و سیستانئے استانا بێسجلێن مردم
لهتێنبلۆچ مردمانی رپورتانی رِدا بلۆچستان و سیستانئے استانا بێسجلێن مردم کمّ و گێش یکسد هزار نپر اَنت که چه اشان هشتاد هزار کۆدک اَنت. اے مُهمّێن بُنگپّے که باید اِنت اشیئے نێمگا دلگۆش گوَر کنگ ببیت.اے دمگئے مردم زبهر و نێزگار اَنت، پمێشکا په پێدایشی گواهیئے کاگدئے گرگا سپر کرتَ نکننت.
اێرانئے اسلامی جمهوری هچبر بێسجلێن مردمانی پکّاێن شمارا نگوَشیت و آییئے کۆشست همش اِنت که اے شمشتگێن جهمنندانی اسلیگێن شمارا مگوَشیت و کمترێن شمارے اێلان بکنت. مان اێرانا اے بێپجّارێن بلۆچ مردم چه هما کمّکێن مۆه و سرکارئے اُلسی هزمتا هم که آ دگه جهمنند چه آیان بهروند اَنت زبهرَ بنت
په یک مردمے که نێزگار اِنت و کلّگێا زندَ گوازێنیت زاهدانا سپر کنگ و دی ان ائیئے رپورتئے گرگ سکّ
گرانێن کارے. مردمے که چه شهرا دور و گستاه زندَ گوازێننت، آیان هچ وسیله و امکانے نێست که چه سرکاری هزمتا بهروند ببنت و په وتی چکّان رند چه آیانی پێدایشا چه هندی کپتۆکجاهان پیدایشی گواهیئے کاگدا بگرنت. مدّتێا رند چه اشان لۆٹگَ بیت که دی ان ائیئے تستا بدئینت تانکه پکّا ببیت که آ کۆدک بیولوجیکی هسابا آیانی چکّ اَنت. اے تست اێوکا اُستانئے بنجاهی شهرا بیت. تستئے هرچ و درچ هم باز اِنت و اُستانئے بنجاهی شهرئے دراجێن سپر هم اے کارا په آیان گرانترَ کنت.
بے سجلا مردم مداما چه وتی بنیاتیێن هکّ و اۆبالان زبهرَ بنت. آ بے بیمَها چه درمانی هزمتان بهروندَ نبنت، وتی چکّان وانگجاهان راه داتَ نکننت و الکاپێن کار و رۆزگارے هم نرسیتش. اے بابتا جنێن و کسانێن چکّان گێشترێن تاوان رسیت…
سرکار و هما مردم که مسئولا آ باید دێما بکنزان و بلۆچستانۓ مهلۆکانی اے مشکلا هل کنگۓ عزم بکننت و مردما ای مشکلان نجات بدئینت. بلۆچستانۓ مهلۆک چی سجائێن اێرانۓ مهلۆکان دست بندی کن انت که آهانی توارا هم توار بیبنت و مسئۆلانا مجبۆر بکن انت که اے نێمگا توجه بدێیَنت.
ما دراهێن اے داد لۆٹۓ اِمزا کنۆک توار پِر کنێن که بلۆچستانۓ مهلۀکانۓ هِلاپ تمام تاسُب هلاس کنگ بیبنت بلهسوس آئیانی تمام مشکل که سِجّلۓ ںبێیَگۓ وجهان پێداک انت زوت هل کنگ بیبنت.
نوکیں رویداد
-
اِمزا ءِ جاه
اُستان Number of signatures روبرکتی آزربئیجان ۲ مشرکی آزربئیجان ۴ اردبیل ۰ اِسپَهان ۵ البرز ۲ ایلام ۰ بوشهر ۲ تهران ۱۵ چارمهل و بَهتییاری ۱ جنوبی هراسان ۱ رِزوی هراسان ۴ شمالی هراسان ۱ هوزستان ۳ زنجان ۱ سمنان ۱ سیستان و بلوچستان ۱ پارس ۳ کَزوین ۰ کُم ۴ کردستان ۴ کرمان ۴ کرمانشاه ۰ کهگیلویا و بویراحمد ۰ گلستان ۰ گیلان ۰ لرستان ۰ مزَنداران ۲ مرکزی ۰ هرمزگان ۳ همدان ۱ یزد ۰ -
Latest signatures
-
-
همسایه دیوار به دیوار مایند!
-
شناسنامه برای شهروندان بلوچ
-
حمایت از حقوق قانونی شهروندان بلوچ
-
شناسنامه برای شهروندان بلوچ
-
-
امضا محفوظ ءَ ای اَرزی بندات کرتگ
شناسنامه حق همه است