سیامک میرزایی، علی واثقی و عسگر اکبرزاده آذربایجان تورک فعاللارینین تئزلیکله آزاد ائدیلمهسی اوچون چاغیریش
۱۹ مرداد ۱۴۰۵
سیامک میرزایی، علی واثقی و عسگر اکبرزاده، اوچ آذربایجان تورک مدنی و کولتور فعالی، ۱۴۰۵ـجی ایل تیر آیینین ۷ـده توتولوبلار. گوونلیک گوجلری سیامک میرزایینی خیاودا، علی واثقی و عسگر اکبرزادهنی ایسه اردبیلده توتوبلار. مأمورلار بو اوچ نفَرین ائولرینی و ایش یئرلرینی آختاریب، شخسی و الکترونیک وسیلهلرینی ده اؤزلری ایله آپاریبلار.
بو اوچ مدنی فعال، ایلک اؤنجه سورغوـسؤال اوچون اطلاعات ایدارهسینین ساخلاما یئرینه آپاریلیبلار. بیر نئچه گوندن سونرا سیامک میرزایی و علی واثقی اردبیل مرکزی حبس خاناسینا، عسگر اکبرزاده ایسه اطلاعات ایدارهسینین ساخلاما یئرینده تخمینن ۲۱ گون ساخلاندیقدان سونرا حبس خانایا کؤچورولوب.
اونلارین توتولماسیندان بیر نئچه هفته کئچمهسینه باخمایاراق، هله ده ایشین سببلری و دایاقلاری، یارغیلانما واختی، اؤز سئچدیکلری وکیله گئرچک چیخیش ایمکانی و سورغوـسؤال شرایتی حاققیندا آچیق و آزاد بیلگی یاییملانماییب. بو اوچ نفَرین بئله بیر دورومدا حبسده ساخلانماسینین سورمهسی، آزادلیق حاققینین، عادل یارغیلانما حاققینین و یاسال قورونما حاققینین پوزولماسی ایله باغلی جدی قایغیلار یارادیر.
بو گون خطر آلتیندا اولان تکجه اوچ مدنی فعالین آزادلیغی دئییل؛ عائیلهلرین قورخوسوز یاشاماق حاققی، اوشاقلارین آتاـآناسینین یانیندا اولماق حاققی و هر بیر انسانین اؤز دوشونجهسینی دئمک و جمیعتده دینج یوللا قاتیلماق حاققیدیر.
کولتور ایشی، دیل و کیملیک حاقلارینی قوروماق، مدنی دوشونجهلری دئمک و یاییم ایشی گؤرمک، توتولماق و گوونلیک آدلی اتهاملارلا قارشیلانمامالیدیر. هئچ کیم، تکجه سؤز آزادلیغی و مدنی چالیشما حاققیندان دینج یوللا یارارلاندیغینا گؤره، عائیلهسیندن و اوشاقلاریندان آیری سالینمامالیدیر.
سیامک میرزایی، علی واثقی و عسگر اکبرزادهنین توتولما سببلری آچیق شکیلده بیلدیریلمهدن، آزاد و اؤز سئچدیکلری وکیله تام چیخیش ایمکانی و عادل یارغیلانما اولمادان حبسده ساخلانماسینین سورمهسی، انسان حاقلارینین تمل ایلکهلری و ایران اسلامی جمهوریتینین بئینالخالق بویون اولدوغو گؤرهولر ایله اویغون دئییل. بیز آشاغیداکیلاری ایستهییریک:
۱. سیامک میرزایی، علی واثقی و عسگر اکبرزاده تئزلیکله و هئچ بیر شرط قویولمادان آزاد ائدیلسینلر.
۲. توتولما سببلری، اونلارا قارشی ایرهلی سورولن اتهاملار، ایشین دایاقلاری و ایشه باخان یارغی یئری آچیق شکیلده بیلدیریلسین.
۳. هر اوچ نفَرین آزاد و اؤز سئچدیکلری وکیله تئز و هئچ بیر مانع اولمادان چیخیشی، عائیلهلری و اوشاقلاری ایله دوزنلی دانیشماسی و گؤروشمهسی گؤونجه آلتیندا اولسون.
۴. اونلارا قارشی هر جور روحی باسقی، یامان داورانیش، زورلا سورغو-سؤال و یا اؤز ائلهیلرینه قارشی بویونلارینا آلماقا زورلامانین قاباغی آلینسین.
۵. بئینالخالق انسان حاقلاری قوروملاری بو اوچ حبسده اولان شخصین دورومونو، اونلار تام آزاد اولانا قدر ایزلهسین و گؤز آلتیندا ساخلاسین. مدیالاردن، اونورست معلیملری، یازیچیلاردان، صنعتچیلردن، آزاد وکیللردن، مدنی فعاللاردان و بوتون آزاد انسانلاردان ایستهییریک کی، بو اوچ محبوسون و اونلارین عائیلهلرینین سسی اولسونلار.
سیامک میرزایی، علی واثقی و عسگر اکبرزاده تئزلیکله و هئچ بیر شرط قویولمادان آزاد ائدیلمهلیدیرلر.
-
سون حادیثهلر
-
امضالارین یئری
اوستان ایمضالارین ساییسی البرز ایالتی 1 اردبیل ایالتی 7 بوشهر ایالتی 0 چهارمحال و بختیاری ایالتی 0 دوغو آذربایجان ایالتی 4 فارس ایالتی 0 گیلان ایالتی 2 گولوستان ایالتی 1 همدان ایالتی 1 هرمزگان ایالتی 0 ایلام ایالتی 0 اصفهان ایالتی 0 کیرمان ایالتی 1 کیرمانشاه ایالتی 0 خوزیستان ایالتی 0 کهگیلویه و بویر احمد ایالتی 0 کوردیستان ایالتی 0 لوریستان ایالتی 0 مرکزی ایالتی 0 مازندران ایالتی 0 قوزئی خوراسان ایالتی 0 قزوین ایالتی 0 قوم ایالتی 0 رضوی خوراسان ایالتی 1 سیمنان ایالتی 0 سیستان و بلوچستان ایالتی 0 خوراسان ایالتی 0 تهران ایالتی 5 باتی آذربایجان ایالتی 6 یزد ایالتی 1 زنگان ایالتی 0 بو دیلیکچه ایندییهجن 121 ایمضا توپلاییبدیر. 86% ایراندان، 14% حدودوندا ایسه خاریجدن گلمیشدیر. ایران خریطهسینده ایمضالارین ترکیبی حاققیندا داها آرتیق بیلگی الده ائتمک اوچون بورا کیلیکلهیین. -
سون ایمضالار
-
تلگرام واسطهسی ایله ایمضالاماق -
فعالیت فرهنگی، دفاع از حقوق زبانی و هویتی، بیان دیدگاههای مدنی و فعالیت رسانهای نباید با بازداشت و اتهامات امنیتی پاسخ داده شود.
-
تلگرام واسطهسی ایله ایمضالاماق
-
تلگرام واسطهسی ایله ایمضالاماق
-
تلگرام واسطهسی ایله ایمضالاماق
-
-
بو دیلکچهنی یازدی
