آذربایجان تورکو وطن داشی احسان خودادادینین اعدام حوکمونون دوردورولماسی اوچون عاجیل چاغیریش
۳۳۵
ایمضا
۵۰۰
آماج
بیز، بو چاغیریشی ایمضالایانلار، انسان حاقلاری قوروملاریندان، بیرلشمیش میللەتلر تشکیلاتینین اؤزل گزارشچیلریندن، انسان حاقلاری وکیللریندن، موستقیل مدیادان و بوتون ویجدانلی اینسانلاردان ایستیریک کی، احسان خودادادینین اعدام حوکمونون ایجراسینی درحال دوردورسونلار و اونون عادئل و موستقیل محاکمهدن یارارلانماق حاقّینی گؤونجه آلتینا آلسینلار.
تبریز اینقیلاب محکمهسی، قاضی رضا عبدینین صدرلییی ایله، احسان خودادادینی «اسرائیل اوچون جاسوسلوق» و «یئر اوزونده فساد تؤرتمک» ایتّهاملاری ایله اعداما محکوم ائدیب. آنجاق بو ایتّهاملارلا باغلی موستقیل سندلر و آچیق دلیللر عمومه آچیقلانماییب. ایشین آراشدیرılما گئدیشی ایله باغلی جدی قایغیلار وار.
آذربایجان تورکو یوردداش احسان خودادادی ۱۳۷۳جو ایلده دوغولوب، ملکان ایلچسینین یوزباشیکَندی کندیندهندیر. او، ۱۷ خورداد ۱۴۰۴ده توتولوب. اوچ آی تک حوجرهده ساخلالانیب، سونرا دا آیلارلا امنییت ادارەلرینین گؤزآلتی یئرلرینده سورغوءسوالا چکیلیب. بو موددتده عایلهسی ایله رابطه ساخلاماقدان، سئچدییی وکیله یئتەرلی چیخیشدان و سوْچلانان بیر اینسانین ان تمل حاقلاریندان محروم قالیب.
انسان حاقلاری قایناقلاری بیلدیریرلر کی، جناب خودادادی آغیر بدنی و روحی ایشکنجهلره اوغرایب و اوندان زورلا اعتیراف آلینیب. دئییلنه گؤره، همين مجبوری اعتیرافلار اعدام حوکمونون چیخاریلماسیندا اساس دلیل کیمی ایشلنیب. کئچمیش حوجره یولداشلارینین دئدیکلرینه گؤره، اونون بدنینه و دیرناقلارینا گؤیەرمه ایزلری، دریسینه سیگارت یانیغی، دؤیولمکدن زیان گؤرموش دیشلر و بؤیرهک انفکسیونۇ اولوب.
بو گون تهلوکهده اولان تکجه بیر اینسانین جانی دئییل. عدالت ایلكهسی، عادئل موحاکمه حاقّی و انسان لایاقتی دا تهلوکه آلتیندادیر. هیچ بیر حوکم، اؤزەللیکله ده اینسانین جانینی آلان بیر حوکم، تَزییق، ایشکنجه و یا قانونی حاقلاردان محروم ائتمه یولو ایله آلینمیش اعتیرافلارا سؤیکنمهملیدیر.
احسان خودادادی توتولمازدن اؤنجه ملکان بؤلگهسینده یاشایان عادی بیر یوردداش ایدی. اورتا حاللی بیر عایلهده بؤیویوب، عسکرلیک خیدمەتینی باشا وئریب. خسته آناسینا باخماق اوچون اوخوماغینی یاریمچیق قویماقا و ایشلمهیه مجبور اولوب. احسانین آناسی اوغلونون توتولماسیندان سونرا اینسولت کئچیریب و هله ده صاغالماییب. احسانین عایلهسی آیلاردیر بیخبریلیک، قایغی و امنییت تَزییقلری آلتیندا یاشاییر و ایندی سئودیکلری بیر اینسانی ایتیرمک تهلوکهسی ایله اوز-اوزهدیر.
بیز آشاغیداکیلاری ایستییریک:
۱. احسان خودادادینین اعدام حوکمونوڭ ایجراسینی درحال دوردورسونلار.
۲. ایشکنجه و یا تَزییق آلتیندا آلینمیش ائتیرافلارا اساسلانان هر جور حوکمولر لغو اولونسون.
۳. ایشکنجه، پیس رفتار و سوْچلانانین حاقلارینین پوزولماسی ایله باغلی ایددیالار بارەده موستقیل و طرفسیز آراشدیرما آپاریلسین.
۴. اونون سئچدییی وکیله و عایلهسینه تام و محدودیتسیز چیخیشی تأمین اولونسون.
۵. عادئل موحاکمه استانداردلارینا اویغون، بوتون دلیللر و سندلرین موستقیل بیچیمده آراشدیریلماسی ایمکانی ایله ینیدن محاکمه کئچیریلسین.
۶. بینالمللی انسان حاقلاری قوروملاری بو ایشین آراشدیریلما پروسئسینه نظارت ائتسینلر.
یاشاماق حاقّی ان اساس انسان حاقّیدیر. محاکمه پروسئسی بارهسنده بئله جدی نامعلوملوقلار و قایغیلار اولان بیر ایشده اعدام حوکمونون ایجراسی یالنیز بیر اینسانین جانینی آلمیر، هم ده عدالتە اولان اینامی دا داها دا ضعیفلهدیر.
بو گون بوتون انسان حاقلاری قوروملارینی، مدیا نمایندهلرینی، آکادمیسینلری، مدنی فعّاللاری، موستقیل وکیللری و آزادلیقسئوَر اینسانلاری احسان خودادادینین سسی اولماغا و بو حوکمونوڭ ایجراسینین قارشیسینی آلماق اوچون قدم آتماقا چاغیریریق.
بیر اینسانین جانی مجبوری اعتیرافلارین، ایشکنجه نین و عادیل اولمایان محاکمه پروسئسینین قوربانی اولمامالیدیر.
-
سون حادیثهلر
-
امضالارین یئری
اوستان ایمضالارین ساییسی البرز ایالتی 5 اردبیل ایالتی 8 بوشهر ایالتی 0 چهارمحال و بختیاری ایالتی 3 دوغو آذربایجان ایالتی 119 فارس ایالتی 6 گیلان ایالتی 1 گولوستان ایالتی 2 همدان ایالتی 2 هرمزگان ایالتی 2 ایلام ایالتی 0 اصفهان ایالتی 6 کیرمان ایالتی 3 کیرمانشاه ایالتی 1 خوزیستان ایالتی 1 کهگیلویه و بویر احمد ایالتی 0 کوردیستان ایالتی 1 لوریستان ایالتی 0 مرکزی ایالتی 0 مازندران ایالتی 4 قوزئی خوراسان ایالتی 0 قزوین ایالتی 0 قوم ایالتی 0 رضوی خوراسان ایالتی 5 سیمنان ایالتی 0 سیستان و بلوچستان ایالتی 0 خوراسان ایالتی 0 تهران ایالتی 17 باتی آذربایجان ایالتی 21 یزد ایالتی 2 زنگان ایالتی 2 بو دیلیکچه ایندییهجن 335 ایمضا توپلاییبدیر. 94% ایراندان، 6% حدودوندا ایسه خاریجدن گلمیشدیر. ایران خریطهسینده ایمضالارین ترکیبی حاققیندا داها آرتیق بیلگی الده ائتمک اوچون بورا کیلیکلهیین. -
سون ایمضالار
-
-
احسان خدادادی مرتکب هیچ جرمی نشده که مستوجب اعدام باشد.
-
احسان خدادادی مرتکب هیچ جرمی نشده که مستوجب اعدام باشد.
-
تلگرام واسطهسی ایله ایمضالاماق -
احسان خدادادی مرتکب هیچ جرمی نشده که مستوجب اعدام باشد.
-
-
اعداما قارشی کمپینین بیر اکتیویستی بو دیلکچهنی یازدی
احسان خدادادی مرتکب هیچ جرمی نشده که مستوجب اعدام باشد.