غلامرضا خانی شکرآبین اعدام حکمونون ایجراسینین دایاندیریلماسی اوچون تَجیلّی عریضه
۱۱۷
ایمضا
۵۰۰
آماج
جمعه ۱ خرداد ۱۴۰۵
بیز، بو عریضهنی ایمزالایانلار، اردبیللی تورک سیاسی محبوس غلامرضا خانی شکرآبین اعدام حکمونون ایجرا اولونماسی تهلوکهسینه داییر درین ناراحاتلیغیمیزی بیلدیریریک.
اینسان حاقلاری منبعلرینین یایدیغی معلوماتلارا گؤره، غلامرضا خانی شکرآب «جاسوسلوق» اتهامی ایله اعداما محکوم ائدیلیب و اوین زیندانیندان کرجین قیزیلحصار زیندانینا کؤچورولوب. ایراندا بیر چوخ اعدام پروندهلرینده بئله کؤچورولمه حکمون یاخین زاماندا ایجرا ائدیله بیلهجهیینه دایر جدی و ناراحاتائدیجی علامت کیمی دَیَرلندیریلیر. معلوماتلار همچینین گؤستریر کی، اونون محکمه پروسهسی، پروندهنین آیرینتیلاری، مستقل وکیله چاتیشی و متهمین اساسی حاقلارینا رعایت اولونماسی بارهسینده آیدین و شفاف معلومات یایینلانماییب.
بیز تأکید ائدیریک کی، تهلوکهسیزلیک اتهاملاری، غیرشفاف پروسهلر، تهلوکهسیزلیک قوروملارینین تزییقلری و عادلانه محکمه حاقیندان محروم ائدیلمه احتمالی ایله بیرلیکده اولان پروندهلرده اعدام حکمونون چئخارئلماسی و ایجراسی، یاشاماق حاقینین و انسان حاقلارینین اساسی اصوللارینین آچیق شکلینده پوزولماسیدیر. «جاسوسلوق» کیمی اتهاملار ایراندا دفعهلرله نامعلوم پروسهلرده، باغلی قاپیلار آردیندا و مستقل نظارت ایمکانی اولمادان ایستیفاده اولونوب. بو جور پروسهلر مجبوری اعترافلار، تهلوکهسیزلیک تزییقلری و دفاع حاقیندان محروم ائدیلمه بارهسینده جدی ناراحاتلیق یارادیر.
غلامرضا خانی شکرآب، آذربایجانلی تورک سیاسی محبوس کیمی، اعدام تهلوکهسی ایله اوز-اوزهدیر. بو، ایراندا غیر فارس ملی، دیل و اتنیکی جامعهلره منسوب فعاللار و محبوسلارین دفعهلرله تهلوکهسیزلیک اتهاملاری، آغیر جزالار و تبعیضآمیز رفتارلارلا قارشیلاشدیغی بیر شرایطده باش وئریر. بیز اینانیریق کی، سیاسی یا مدنی فعالیت، ائلهجهده هر جور اجتماعی علاقه، تهلوکهسیزلهشدیرمه، عادلانه محکمه پروسهسیندن محروم ائتمه یا اؤلوم حکمونون چئخارئلماسی اوچون بهانه اولمامالیدیر.
بیز ایران اسلام جمهوریتی مقاملاریندان ایستهییریک کی:
۱. غلامرضا خانی شکرآبین اعدام حکمونون ایجراسینی درحال دایاندیرسینلار؛
۲. اونون حاقیندا چئخاريلميش اعدام حکمونو لغو ائتسینلر؛
۳. اونون مستقل وکیله، عایلهسینه و لازیم اولان مراقبتلره چاتیشینی تضمین ائتسینلر؛
۴. اونون پروندهسینه شفاف شکلینده و عدالتلی محکمه استانداردلارینا اویغون اولاراق یئنیدن باخسینلار؛
۵. تهلوکهسیزلیک اتهاملاریندان آغیر و گئری دؤنولمز حکملر، او جملهدن اعدام حکملری چئخارماق اوچون ایستیفادهیه سون قويسونلار.
بیز همچینین بینالخالق انسان حاقلاری تشکیلاتلاریندان، بیرلشمیش میللتلر تشکیلاتینین ایراندا انسان حاقلارینین وضعیتی اوزره خصوصی گزارشچیسیندن، یاشاماق حاقینی مودافعه ائدن قوروملاردان، اعدام عئلیهینه تشکیلاتلاردان و بینالمللی جامعهدن ایستهییریک کی، غلامرضا خانی شکرآبین وضعیتینه تعجیلی واکنش گؤسترسینلر و اونون اعدام حکمونون ایجراسینی دایاندیرماق اوچون تعجیلی و تاثیرلی تزییق گؤسترسینلر.
اعدامی دایاندیرین. غلامرضا خانی شکرآبین یاشاماق حاقی قورونمالیدیر.
بیز اعدام حکمونون ایجراسینین تعجیلی دایاندیریلماسینی، چئخاريلميش حکمون لغو ائدیلمهسینی، عادلانه محکمه پروسهسینین تضمین ائدیلمهسینی و تهلوکهسیزلیک ماهیتلی، غیرشفاف پروندهلرده اؤلوم حکملرینین چئخاریلماسینا و ایجرا ائدیلمهسینه سون قویولماسینی ایستهییریک.
-
گؤنجلّمه:
غلامرضا خانی شکرآب «جاسوسلوغ» اتهامی ایله اعدام اولوندو.
۵ خرداد ۱۴۰۵ ـ غلامرضا خانی شکرآبین اعدام حکمو کرجدهکی قزلحصار زندانیندا گیزلی شکیلده ایجرا اولوندو.
سون حادیثهلر
-
امضالارین یئری
اوستان ایمضالارین ساییسی البرز ایالتی 5 اردبیل ایالتی 1 بوشهر ایالتی 0 چهارمحال و بختیاری ایالتی 2 دوغو آذربایجان ایالتی 5 فارس ایالتی 3 گیلان ایالتی 1 گولوستان ایالتی 0 همدان ایالتی 1 هرمزگان ایالتی 0 ایلام ایالتی 1 اصفهان ایالتی 2 کیرمان ایالتی 0 کیرمانشاه ایالتی 0 خوزیستان ایالتی 0 کهگیلویه و بویر احمد ایالتی 0 کوردیستان ایالتی 0 لوریستان ایالتی 0 مرکزی ایالتی 0 مازندران ایالتی 0 قوزئی خوراسان ایالتی 1 قزوین ایالتی 0 قوم ایالتی 1 رضوی خوراسان ایالتی 2 سیمنان ایالتی 0 سیستان و بلوچستان ایالتی 0 خوراسان ایالتی 0 تهران ایالتی 5 باتی آذربایجان ایالتی 0 یزد ایالتی 0 زنگان ایالتی 0 بو دیلیکچه ایندییهجن 117 ایمضا توپلاییبدیر. 78% ایراندان، 22% حدودوندا ایسه خاریجدن گلمیشدیر. ایران خریطهسینده ایمضالارین ترکیبی حاققیندا داها آرتیق بیلگی الده ائتمک اوچون بورا کیلیکلهیین. -
سون ایمضالار
-
تلگرام واسطهسی ایله ایمضالاماق -
تلگرام واسطهسی ایله ایمضالاماق
-
نگران جان غلامرضا خانی شکرآب هستم و برای لغو حکم اعدام او امضا میکنم.
-
تلگرام واسطهسی ایله ایمضالاماق
-
نگران جان غلامرضا خانی شکرآب هستم و برای لغو حکم اعدام او امضا میکنم.
-
-
غلامرضا خانی شکراب به اتهام «جاسوسی» اعدام شد
حکم اعدام غلامرضا خانیشکرآب به صورت مخفیانه در زندان قزلحصار کرج به اجرا درآمد. ۵ خرداد ۱۴۰۵
-
بیر تورک کنشگری بو دیلکچهنی یازدی
