دادخواست عاجیل: عباس لسانی و یوسف کارینین حقوقی وضعیتلرینین تعیین اولونماسی و آزاد اولونمالاری اوچون
۱۹
ایمضا
۵۰۰
آماج
۵ اسفَند ۱۴۰۴
ایران اسلامی جومهوریتینین قضائیه قووّهسینین رئیسینه
اوزونمودّتلی محکمهسیز ساخلاما – وطنداش حقوقلارینین آچيق پوزونتوسودور!
بیز، بو موراجیعتی ایمضالایانلار، آذربایجانلی فَعّاللار عباس لسانی و یوسف کارینین داوام ائدن ساخلاماسی ایله باغلی درین ناراحاتلیغیمیزی بیلدیریریک. بو ایکی وطنداش فَعّالین توتولماسیندان ۱۰۵ گوندن چوخ واخت کئچمهسینه باخمایاراق، اونلار هله ده اوین زیندانینین ۷جی بولومونون ۱۲جی سالونوندا (قرنطینه بولومو) بلاتکلیف وضعیتده ساخلالانیر و اساس حقوقی حاقلاردان، هابئله لازیملی طبی خیدمتلردن محروم ائدیلیبلر.
عباس لسانی و یوسف کاری ۲۰ آبان ۱۴۰۴جو ایلده اوین زیندانی قاباغیندا توتولوبلار. اونلار ۴۴ گون اطلاعات وزارتینین بازداشتگاهینین تکنفرلیک هوجرهلرینه ساخلالاندیقدان سونرا، ۱۰ دی ۱۴۰۴جو ایلده اوین زیندانینین ۷جی بولومونون قرنطینهسینه کؤچورولوب و ایندیهجک محکمه وضعیتی موعیّن ائدیلمهدن حبسده قالیرلار.
عایلهلری ایله قیسا تلفون دانیشیقلاری زامانی، فَعّاللار توتولارکن آغیر شکلینده دؤیولدوکلرینی بیلدیریبلر. آقای لسانی آیاق بارماقلاریندا کیییمه، دؤیولمهدن قایناقلانان شیدّتلی آغریلار و بئل دیسکی مشکلینین آرتماسی بارهده شکایت ائدیب. بونا باخمایاراق، زیندان مسئوللاری عایله طرفیندن تهیه ائدیلن آغریکِسَن داوالارین وئریلمه سینه ایجازه وئرمهییبلر.
بو ایش اوزره توتولان دیگر ایکی نفر (علی خیرجو و بهزاد دشتی) آغیر وثیقه ایله آزاد ائدیلسهده، عباس لسانی و یوسف کاری هله ده حبسده ساخلالانیرلار. بو وضعیت عدالتلی محکمه پرینسیپلرینین پوزولماسی بارهده ناراحاتلیقلاری آرتیر.
ناراحاتلیغیمیزین سببلری:
۱. اوزونمودّتلی تکلیف سیز ساخلاما: ۱۰۵ گوندن آرتیق محکمه قاراری اولمادان ساخلاما، متهملرین اساس حقوقلارینین پوزولماسیدیر.
۲. طبی خیدمتلره چیخیشین اولماماسی: جسمی زَدهلر بارهده چوخلو راپورلار و داوالارین وئریلمهسینین قاباغینین آلینماسی، محبوسلارین ساغلاملیغینی تهلوکه یه قویور.
۳. توتولارکن دؤیولمه اعدیالاری: بو اعدیالارین مستقل شکلینده آراشدیریلماماسی، ساخلالانانلارین انسانی حقوقلارینین پوزولماسیدیر.
۴. برائت اصلی و عدالتلی محکمه پرینسیپلرینین پوزولماسی: شفاف آراشدیرما آپارولمادان اوزونمودّتلی ساخلاما، قانون پرینسیپلرینه و انسان حقوقلاری اوزره تعهدلره ضددیر.
۵. آذربایجانلی وطنداش فَعّاللارا قارشی امنیتیؤنلوملو یاناشما ناراحاتلیغی: بو جور روند عموماعتمادین آزلماسینا و اجتماعی عدالتین ضعیفلشمهسینه سبب اولور.
طلبلریمیز:
۱. عباس لسانی و یوسف کارینین محکمه وضعیتینین درحال موعیّن ائدیلمهسی و محکمه اولانا قدر وثیقه ایله آزاد ائدیلمهلری.
۲. ساخلالانانلارین درحال قانونیطبی معاینهیه گؤندریلمهسی، زَدهلرین ثبت اولونماسی و لازیملی طبی خیدمتین وئریلمهسی.
۳. دؤیولمه و قانونا ضد رفتار اعدیالارینین مستقل و شفاف شکلینده آراشدیریلماسی.
۴. عدالتلی محکمه پرینسیپلرینه کامل رعایت، وکیله آزاد چیخیش و عایله ایله منظم گؤروش ایمکانی.
۵. وطنداش فَعاللارا قارشی محکمهسیز اوزونمودّتلی ساخلاما پرکتیگینه سون قویولماسی.
عباس لسانی و یوسف کاری قانونی حقوقلارینا صاحیب اولمالیدیرلار. اونلارین بلاتکلیف ساخلاماسی عدالت و قانونون پوزولماسیدیر.
بیز اونلارین درحال آزاد ائدیلمهسینی و ایشلرینه عدالتلی باخیلماسینی طلب ائدیرک.
-
سون حادیثهلر
-
امضالارین یئری
اوستان ایمضالارین ساییسی البرز ایالتی 1 اردبیل ایالتی 2 بوشهر ایالتی 1 چهارمحال و بختیاری ایالتی 0 دوغو آذربایجان ایالتی 2 فارس ایالتی 1 گیلان ایالتی 0 گولوستان ایالتی 0 همدان ایالتی 0 هرمزگان ایالتی 0 ایلام ایالتی 0 اصفهان ایالتی 0 کیرمان ایالتی 0 کیرمانشاه ایالتی 0 خوزیستان ایالتی 0 کهگیلویه و بویر احمد ایالتی 0 کوردیستان ایالتی 1 لوریستان ایالتی 0 مرکزی ایالتی 0 مازندران ایالتی 1 قوزئی خوراسان ایالتی 0 قزوین ایالتی 0 قوم ایالتی 0 رضوی خوراسان ایالتی 0 سیمنان ایالتی 0 سیستان و بلوچستان ایالتی 0 خوراسان ایالتی 0 تهران ایالتی 2 باتی آذربایجان ایالتی 2 یزد ایالتی 0 زنگان ایالتی 0 بو دیلیکچه ایندییهجن 19 ایمضا توپلاییبدیر. 79% ایراندان، 21% حدودوندا ایسه خاریجدن گلمیشدیر. ایران خریطهسینده ایمضالارین ترکیبی حاققیندا داها آرتیق بیلگی الده ائتمک اوچون بورا کیلیکلهیین. -
سون ایمضالار
-
-
Prolonged detention without trial is illegal and inhumane.
-
Prolonged detention without trial is illegal and inhumane.
-
بازداشت طولانی بدون محاکمه غیرقانونی و غیرانسانی است.
-
بازداشت طولانی بدون محاکمه غیرقانونی و غیرانسانی است.
-
-
فؤقوق حقوقلاری فعالـی بو دیلکچهنی یازدی
بازداشت طولانی بدون محاکمه غیرقانونی و غیرانسانی است.