ایراندا اوشاقلار اوچون تورکجه آد سئچمه یاساغی
اوزون زاماندان بری آذربایجانلی والدینلر اوشاقلارینا تورکجه آد سئچمهلرینده ایلگیلی قوروملار طرفیندن چوخلو محدودیتلر یاشاییرلار. مسئوللارین دئدیکلرینه گؤره عایلهلرین اوشاقلارینا تورکجه آد سئچمهلری بارهده هئچ بیر قانون یوخدور، آمما والدینلری سینسیدیب ده ایران ایسلام جمهوریتینین تصدیق ائتدییی آدلارا بویون أیدیرمک اوچون، تورکجه آدی ایله سیجیللی وئرمهده چوخلو کاغیذبازلیق یارادیب ایشی سوروندوررلر. بو آرادا ثبت احوال ایدارهسینین مسئوللارینین الینده ایرانی-ایسلامی آدلاری کیمی تانینان ایسلام جمهوریتینین تصدیق ائتدییی بیر آد لیستهسی ده وار و تورک اوشاغی اوچون سئچیلن آد همن لیستهده یوخسا، عایلهنین ایستهدییی آدی سئچمه حاققی دا اولمایاجاقدیر.
ایسلام جمهوریتینین مسئوللارینین بیر سیراسی بیر طرفدن تورکجه آدلارین سئچیلمهسینده هر هانسی بیر محدودیتین اولماسینی رد ائدیرلر، دیگر طرفدن ایسه باشقا مسئوللار تصدیقلنمهمیش آدلارین سئچمهسی ایله فرقلیک یارادیلاراق، ائتنیک مناقشهلرینین آرتیب دا میللی بیرلییین پوزولماسینی ادعا ائدیرلر. دئمهلی مسئوللار بوتون وطنداشلارین دیل و فیکیر باخیمیندان آسمیلاسیونونو «میللی بیرلیک» سانیب، ایران میللتینی ده فارس دیلی اساسیندا تعریفلهمهیه چالیشیرلار. بو ایشین اؤزو تورکلرین ایراندا یاشادیغی آیری سئچکیلیکلرین ان آیدین نومونهسیدیر و اونلارین حاقلارینین تاپدالانماسی دا میللی بیرلیک ساییلیر.
آد سئچیمینده مانعلر و قاداغالار یاراتماق عایله اوچون دهشتلی نتیجهلره سبب اولا بیلر. گاهدان عایلهلر آیلار و ایللر بویو محکمه ایله سئچدیکلری آدا سیجیللی آلماق اوچون چکیشیب، بو آرادا سیجیللیسی اولمایان اوشاق دا بوتون خدمتلردن محروم قالیر.
آذربایجانلی والدینلر طرفیندن تورکجه آدلارین سئچیلمهسینه اجازه وئریلمهمهسی ایکی شکیلده تطبیق ائدیلیر. بیرینجی، سئچیلن آدلاری اصلا مسئوللار تصدیق ائتمیرلر. ایکینجی ده، دالیسینی توتما ایله تصدیق اولونان بیر سیرا آدلارین یازیلیش فورمو اولدوغو کیمی قبول ائدیلمیر. دیگر سؤزله، تورکجه آدلار تورکجهده یازیلیب تلفط ائدیلمهسی کیمی دئییل، بلکه فارسجانین تلفظ و یازیلیش فورمو ایله یازیلاندان سونرا سیجیللی آلما ایجازهسی وئریلیر. فارسجا تلفظو ایله یازیلان ان یایغین تورکجه آدلاردان، تورکجه «سئویل» و «سئودا» قیز آدلاریدیرلار کی «سویل» و «سودا» کیمی سیجللیده یازیلما اجازهلری واردیر. چونکی تورکجه عرب الفباسی ایله یازیلدیغیندا، حمزه-ئ، «e» سسی کیمی تلفظ ائدیلیر.
اوشاقلارا تورکجه آد سئچمه یاساغی، مدرن دؤولت-میللت ایش اوستونه گلندن سونرا غیر فارس میللتلره او جوملهدن تورکلره تطبیق اولونان گئنیش آیری سئچکیلیکلرین داوامیدیر. بیر جمعیتین میللی وارلیغینین بوتون ساحهلرینه آیری سئچکیلیک تطبیق اولورسا، شوبههسیز اونلارین سیاسی، اقتصادی، اجتماعی، کولتورل و چئوره ساحهلرینی ده همن آیری سئچکیلیکلر بورویوب، حاکیم گروه دا سیتم آلتیندا اولان گروهون آدلاری چکیلن ساحهلرده استقلالینی الده ائتمهسیندن اوزاق ساخلایاجاقدیر. بو آیری سئچکیلیکلر سیتم آلتیندا اولان گروهلارین آنا دیلینده آد سئچمه محدودیتیندن توت، اؤز وطنلریندن مرکزی منطقهلره اجباری کوچورولمهیه و یا میللیتلریندن دولایی هر هانسی بیر آسیبین یاشانماسینا قدر اوزانا بیلر.
بو عریضهنی امضالایانلار، خصوصی ایله تورک اوشاقلارینا تورکجه آدلارین قئیدیاتا آلینماسیندا رسمی و حقوقی مانعلری آرادان قالدیرماق ایستهییرلر. تورک عایلهلری گرک اوشاقلارینا ایستهدیکلری آدی سربستجه سئچه بیلسینلر.
سون حادیثهلر
-
امضالارین یئری
اوستان Number of signatures دوغو آذربایجان ایالتی 0 باتی آذربایجان ایالتی 0 اردبیل ایالتی 0 اصفهان ایالتی 0 البرز ایالتی 0 ایلام ایالتی 0 بوشهر ایالتی 0 تهران ایالتی 0 چهارمحال و بختیاری ایالتی 0 خوراسان ایالتی 0 رضوی خوراسان ایالتی 0 قوزئی خوراسان ایالتی 0 خوزیستان ایالتی 0 زنگان ایالتی 0 سیمنان ایالتی 0 سیستان و بلوچستان ایالتی 0 فارس ایالتی 0 قزوین ایالتی 0 قوم ایالتی 0 کوردیستان ایالتی 0 کیرمان ایالتی 0 کیرمانشاه ایالتی 0 کهگیلویه و بویر احمد ایالتی 0 گولوستان ایالتی 0 گیلان ایالتی 0 لوریستان ایالتی 0 مازندران ایالتی 0 مرکزی ایالتی 0 هرمزگان ایالتی 0 همدان ایالتی 0 یزد ایالتی 0 -
Latest signatures
-
امضا محفوظ
-
bahman farshbaf
-
امضا محفوظ
-
امضا محفوظ
-
امضا محفوظ
-
-
بو دیلکچهنی یازدی