متن دادخواست به زبان ترکی
دورد آزربایجانلی وکیله حبس حوکمو
۱۴۰۱ ایلینین شهریور آییندا ایراندا مهسا امینی اولدورولمسیندن سونرا اینسانلارین آزادلیق حرکاتینین باشلاتماسی ایله بیرگه ایرانین باشا باشیندا ۵۰-یه یاخین وکیل توتوخلانیب و امنیتی پرونده آچیلیب و اونلارا حبس حوکمو وئریلیبدیر. سینا یوسفی، نگین کیانی، قاسم بعدی، امیر مهدیپور حوکم آلان دورد آذربایجانلی وکیللردیلر. بو وکیلر سادجه توتوخلو اعتراضچیلارین وکالتینی بویونلارینا آلمایا حاضیر اولدوقلارینی بیلیندیکدن سونرا امنیتی گوجلر ورینن باسقیلارا معروض قالیبلار.
سینا یوسفی دادگسترینین بیرینجی درجه وکیلی، اولوسلار آراسی حقوق یوکسک لیسانس بیتیرمیش و دوغو آذربایجانین وکیلر درنکینین اینسان حاقلاری کمیسیونون باشقان وکیلیدیر. او توتوخلولارین حقینی ساوونماق اوچون بیر قورول قورولماسینین اونریسینه گوره حکومت یئتکیلیلرینین قیزماسیما سبب اولموشدور. یوسفی بی و اونون چالیشما آرخاداشی قاسم بعدی بی مهر آییندا تبریزده توتوخلاندیریلیب و اونجهدن یازیلمیش حوکمونن "یاساق جمعلر دوزتمک" و "حکومته قارشی تبلیغ" سوچلامالارینان حبسلرینه قرار وئریلیبدیر.
نگین کیانی و امیر مهدیپور دوغو آذربایجان وکیلر درنکینین اویهلری و اینسان حاقلاری کمیسیون اویهلری آبان آیینیدا اعتراضچیلارین وکالتین آلدیغلارینا گوره امنیتی گوجلر طرفیندن توتوخلانیب و اونلارا پرونده دوزلدیرلیبدیر.
بو شریف وکیلرین سوچو سادجه ایشلرینی دوغرو و وجدانلی شکیلده اجرا ائتمکدیر. سینا عضدی ۲۸آذر توییترده یازیبدیرکی: اعتراضچیلارین وکالتینی آلماق اوچون اوقدر چوخ دفترلرینه و وکیلرین درنکینه باشورو اولموشدورکی بیز اینسان حاقلاری کمیسیونوندا ساوونما کمیتهسی یاراتیلماسینا قرار وئردیک او یوزدنده ایندی چون حرفهای وظیفهمیزی و وکیللیک آندیمیزی یئرینه گتیرمک ایستمیشیک یاساق جمعلر یاراتماق سوچلاماسینان یوز یوزه بوراخیلمیشام.
بو وکیلر گونلر حبس چکدیکدن سونرا اونلارین علیهینه آیلار حبس، وکالت ایشلرینین اونونون آلینماسی، اولکهدن چیخیش یاساقی و الکترونیک وسایللرینین آلینماسینا حوکم وئریلمیشدیر.عینی زاماندا دوغو آذربایجانین امنیت گوجلری و دادگستری استخباراتی یوزدن چوخ اعتراضی اولان وکیلرین آدینی لیست ائدیب و انتظامی دادسرانی بو وکیلرین ایش ایزینلرینه ابطال اولونماسینی و اونلارین تنبیهینه مجبور ائتمیشدیر بو یوزدنده امید رهنمای صدیق آذر آدیندا وکیلر درنکینین انتظامی دادستانی ایشیندن استغفا وئریب و یئنی گلن دادستان وکیلره پرونده دوزلتمک و بیلدیری گوندرمکله اونلارا باسقی قورمایا چالیشمیشدیر.
اولکهده اولان یاسالارا باخاراق اورنک اوچون نظامین منفعتینی بلیرلهمه توپلولوغو طرفینن ۱۳۷۰/۷/۱ گئچیریلن داواچیلارین وکیلری سئچمه یاساسینین اوچونجو تبصرهسینه گوره وکیلره ساوونما دونهمینده سایغی و ایشینین گوونجهسی وئریلمیشدیر و اولوسلار آراسی یاسالاردا اورنک اوچون ۱۹۹۰ هاوانا آچیقلاماسینا گوره وکیللر ساوونما دونمینده توخونولمازدیر او یوزدنده بو دورد وکیل هئچ بیر سوچ ایشلهممیشلردیر.
بو دورد وکیل سوچسوزدور و امنیتی گوجلرین اعتراضچیلاردان انتقامینین قوربانی اولموشلار او یوزدنده بیز بو دیلکچهنی امضالیانلار سینا یوسفی، نگین کیانی، قاسم بعدی و امیر مهدیپورون حوکملرینین ابطالینی طلب ائدیریک.
سون حادیثهلر
-
امضالارین یئری
اوستان Number of signatures دوغو آذربایجان ایالتی 0 باتی آذربایجان ایالتی 1 اردبیل ایالتی 0 اصفهان ایالتی 0 البرز ایالتی 0 ایلام ایالتی 0 بوشهر ایالتی 0 تهران ایالتی 0 چهارمحال و بختیاری ایالتی 0 خوراسان ایالتی 0 رضوی خوراسان ایالتی 0 قوزئی خوراسان ایالتی 0 خوزیستان ایالتی 0 زنگان ایالتی 0 سیمنان ایالتی 0 سیستان و بلوچستان ایالتی 0 فارس ایالتی 0 قزوین ایالتی 0 قوم ایالتی 0 کوردیستان ایالتی 0 کیرمان ایالتی 0 کیرمانشاه ایالتی 0 کهگیلویه و بویر احمد ایالتی 0 گولوستان ایالتی 0 گیلان ایالتی 0 لوریستان ایالتی 0 مازندران ایالتی 0 مرکزی ایالتی 0 هرمزگان ایالتی 0 همدان ایالتی 0 یزد ایالتی 0 -
Latest signatures
-
Amir
-
Mahsa
آذربایجانلئ وکیل لرئ اءُزگوءر بیراخئن
-
Zari
نه به زندانی کردن
-
امضا محفوظ
-
Amin Legion
امضا با تلگرام
-
-
بو دیلکچهنی یازدی
دفاع از هموطن بی گناه مخصوصا وکلایی که از جان مایع می گذارند