پہ: کانودی، امنیتی ءُ انسانی ھَکّے گَلّ
ما، سیستان ءُ بلوچستانے نندوکایں بلوچ، ردیگایں آوار جنگ، دزدی ءُ چُکانی کوش مان چابھار ءَ، ائے ارزی ءَ وت رندگیری، پَسّو دئگ ءُ ئے جُرمانی بند بئگے ارادہ ءَ پیش کنایں۔
گوستگایں ھپتگان ءُ ماھان، بازیں ھالے آرگ بیتگ چہ چوکّانی دزدی ءُ کُشگ ءَ مان چابھار ءُ کِر ءُ گوراں؛ اھوالکاری پیش کنّانت کہ چوکّانی امنیت ھتر ءَ کپتگ ءُ واکداران ھچ کارے نکنانت۔
ئے اھوالانی رھشون ءَ، نیما بلوچزھی، 16 سالگایں دبیرستانے وانوک، مان شنبہ 6 دی ماه 1404ے روچ ءَ، مدرسه ئے راه ءَ مان ھیابان خیام چابهار ءَ، گمنامایں مردمانی دست ءَ وت یک ماشین 405 ے ءَ دُزّگ بیتگ۔
ئے ویل ءَ بازیں مردمے پریشان کُتگ؛ آئیئے کھول ءَ ھم گُشتگ کہ مارا نہ دشمنے ھست ءُ نه جنگ ءُ جیڑہ ئے، آسر ءَ ده روچ ءَ رند آزات بیت۔ پیش چہ إش ءَ ھم، احمد ھاشمزھی، 13 سالگایں چوک، مان 3 دی ماه 1404 ئے شپ ءَ، گمنامایں مردمانی دست ءَ مان چابهار ءَ دُزّگ بیتگ ات۔ئے چوک ھم ده روچ ءَ رند آزات بیت۔ چوناھیگا ئے چوکّانی آزاتی ءَ پریشانی کم کُت بلے گار نہ کُت، ئے دزگ کہ ردیگی سرا انت پیش کنت کہ چھبارے امنیت گار انت۔
ماں یکے چہ ھئوپناکتریں کئیساں، محمد خالقی، 13 سالگیں چوک، رد چہ آئی ئے دُزّگ ءَ 20 آذر ماه 1404، آئی ئے به ساہایں جسم در کپایت؛ آئی ئے گُٹ بُرّےتگ ات ءُ جسمی آس داتگ ات۔ ئے ھئوپناکیں جرم ءَ مردم پریشان کوتگ انت ءُ پیش کوتگ کہ مُلکے واکداران پہ بلوچستان ے امنیت ءَ کارے نکن انت۔
ایران ءُ میان استمانی کانودانی ھساب ءَ چوکّانی امنیت باز اھمداریں چیزے ءُ ئے کارے سرگوز کنگ نبی بلے گندگ بیت کہ ئے کئیساں مان بلوچستان ءَ رندگیری نہ بنت۔
ما، مردم بلوچ، ئے چیزّان لوٹوکایں:
۱- نیما بلوچزهی و احمد هاشمزهی ئے کئیس رندگیری به بنت ءُ آھانی آسر پہ درستاں پیش کنگ بہ بیت۔
۲- محمد خالقی ئے کاتل درگیجگ ءُ سزا دئگ بہ بنت۔
۳- چھبارے نا امنی ءُ چوکّانی آواری ئے سبب پٹ ءُ پو٘ل بہ بنت۔
۴- زمے داریں گَلّاں پسّو بدہانت کہ پرچا چابھار نا امن بیتات
۵- پہ چوکّانی امنیت ءَ راھہ چارگ بی بیت ھاس مدرسہ راھانی سرا ءُ ھترناکیں میتگاں۔
۶- بی پروائی ءُ تبعیض بلوچانی چوکّانی سرا بند بہ بیت۔
بی تواری ءُ نہ سُرگ ئے ماناھا دنت کہ لوٹ ات کہ ئے جرماں ادامہ به بیت۔ چوکّانی امنیت مئے
سیم سر انت۔ ما لوٹوک ایں کہ ادالت ءُ رندگیری بہ بیت۔
-
