داکتری خطا ءُ ڈالچاری مان بلوچستان ءَ
۱۱۲
دزنام
۵۰۰
سئوَب
پہ:
جمهوری اسلامی ایرانے سرمستر
درمانے وزیر
رئیس سازمان نظام پزشکی کشور
رئیس قوه قضاییه جمهوری اسلامی ایران
رئیس کمیسیون بهداشت و درمان مجلس شورای اسلامی
رئیس دانشگاه علوم پزشکی ایرانشهر
۲۶ آبان ۱۴۰۴
ما ئے ارزیئے دستنام جنوکان، وت بازیں گواہ پہ گیماریں ماتانی مرگ ءُ بیرانی ءَ، چوکان ءُ بلوچایں بیماران مان بلوچستانے بیمارجاھان، لوٹوکایں کہ یک راستی شوھاز کنوکیں کمیٹی ئے جوڑ بہ بیت پہ داکتری خطا، کئومی تبعیض ءُ بلوچانی بُنیادی ھک پہ زند ءُ سلامتی ءَ۔
بلوچستان، کہ کِرّے ءَ تاچینگ بیتگ ءُ یکہ چہ گریبترین ملُکان انت مان ایران ءَ، بازیں سالے کہ درمانی سامان ءُ داکترے کمّی انت۔ مردمانی گواہ پیش کنت کہ ائے جاوڑ وت سرا نه انت ءُ ھساب کتابے سرا ائے کمی ءُ خطا بلوچستان ءَ ھست انت۔
لھتے گواه چہ داکتری خطا ءَ (۱۳۹۸–۱۴۰۴)
پہ کمپین فعالین بلوچے رسانک کاری ءَ ءَ:
کم چه کم ۸۱ گیماریں مات ءُ آھانی لاپہ چوک یا زاتگین چوک، ۱۳۹۸ تا تیرماه ۱۴۰۴ سالانی تہ ءَ بیران بیتگ انت۔
چہ اشان:
- ۵۵ گیماریں مات پہ داکتری خطا بیران بیتگ انت۔
- ۱۱ نونوک ءُ لاپہ چوک، چلّگ یا سزارینے وھد ءَ بیران بیتگ انت۔
- ۵ گیماریں مات پہ سرکارانی تیر کنگ یا آھانی اورش کنگ ءَ بیران بیتگ انت۔
- ۲ نپر جراھی ئے وھدا نس بندی بیتگ انت۔
- لھتے دگے ھم بیتگ کہ پہ ردیں سیچّنے جنگ ءَ بیران بیتگ انت۔
گواه، إش انت:
«خدابخش اولیازهی» بیرانی، ۲۴ سالگ، سرباز معلم، پہ ردیں سیچّن آنتیبیوتیکے جَنگ ءَ مان بیمارستان خمینی خاش آذر ۱۴۰۳
بیمار جراھیے ئے وھد ءَ مان تاک عمل ءَ چہ تھت ءَ کپیت ءَ چوکی لاپا بیران بی، مهر ۱۴۰۴
«حسین سرکوری» کما رپت رند چہ إشی ءَ کہ ردیں دوائے مان بیمارستان امام علی چابهار اسفند ۱۴۰۳ ءَ آئی ءَ دئگ بیت۔
«فاطمه آبیل» ۱۷ سالگیں جنک پہ داکتری خطا مان بیمارستان امام علی زاهدان بیران بیت۔
گیمارین ماتانی بیرانی، «الهام شهنوازی»، «نگار عبداللهی» ءُ «مینا هوتی» مان چابهار ءُ نیکشهر ءَ۔
«مریم آسکانی» ۱۸ سالگے بیرانی پہ ردیں درمانے دئگ ءَ مان راسک ءَ۔
نونوکے دست پروشگ چلگی ئے وھد ءَ مان بیمارستان امام علی چابهار۔
«جانبیبی رستمزهی» ۲۷ سالگ و آھی ئے نونوکے بیرانی پہ داکترے کمی ءَ مان بیمارستان ایران ایرانشهر مهر ۱۴۰۴
ئے گواہ ہوردیں بھرے چہ چیزے ءَ بلوچستان ءَ سرکپی۔
ھکوکی ءُ انسانی وجہ:
ھنچو جمھوری اسلامی ایرانے کانودے نبشتانک نمبر ۲۹ ءُ ۳۴، درمان ءُ وتی ھک ءُ ادالتے لوٹگ درو مردمانی بُنیادی ھَک انت۔
ھمے وڑ ءَ:
- کانود نمبر ۱۲ میان استمانی روزیگی ھک، راجی ءُ چاگردی (ICESCR)، که ایران ءَ ہم دستنام جتگ، ھر دولتے زمہ انت کہ «شرتریں جاور ءَ پہ جسمی ءُ سسائی سلامتی واست ءَ» جوڑ بکن انت۔
- کانود نمبر ۴۹۷ چہ اسلامی سزائے ءُ کانود نمبر ۱۹ چہ داکتری گَل ے کانود ءَ، ڈالچاری ءُ خطا مان درمانی ھزمت ءَ رد انت سزائی ھست ءُ دادجاہ ءَ چارگ بیت۔
چوناھیگا، مان بلوچستان ءَ ئے کانود چارگ نبت ھچ، خطائے آماچ ءُ آھی ئے کھول دولتے دست ءَ دمکی دئگ بنت کہ ھبر مکن انت۔
مئے لوٹ إش انت:
۱- راستی شوھاز کنوکیں کمیٹی ئے وت وزارت بھداشت، داکتری گَلّ، دادجاہ ءُ مردمی گَلانی ھواری ءَ جوڑ بہ بیت ءُ بیرانی کہ داکتری خطاھانی سرا انت ءَ پٹ ءُ پول بکن انت۔
۲- وزارت بھداشتے رپورڑ گیماریں ماتان نونوکانی بیرانی ئے بابت ءَ شنگ بہ بنت۔
۳- زمانت بکن انت کہ بلوچان پہ درمانی ھزمت، دوا، داکتر ءُ داکتری سامان ءَ مان درو شھران دست بہ کپی۔
۴-درمانی کاردار مدام تعلیم دئگ بہ بنت۔
۵- بیمارانی کھول ءَ امنیت زمانت بہ بیت کہ بتوان انت بی تُرس ءَ شکایت بکن انت۔
۶- دادجاه ءَ داکتری خطاھان رندگیری بکن انت ءُ آسر ءَ شنگ بکن انت۔
پشت پہ پشتایں بیرانی ماتانی، نونوکانی ءُ بلوچایں بیمارانی بس یک داکتری خطاہہ نہ انت، ئے بنیادی تبعیضے ءُ وت ھساب کتاب ءَ مردمانی سرا کپتگ۔
ما چہ پئیسلہ کنوکاں لوٹایں کہ زمہ دار بہ بنت درو پہ ساپی ءُ چم دیم ءَ ئے چیزاں رندگیری بکن انت۔
زندمان ءُ سلامتے ھک، یک تہفہ۔ئے نہ انت، مردمانی ھک انت۔
--
نوکیں رویداد
-
اِمزا ءِ جاه
اُستان دزنامانی لێکئو البرز ۱ اردبیل ۰ بوشهر ۱ چارمهل و بَهتییاری ۰ روبرکتی آزربئیجان ۱ پارس ۲ گیلان ۱ گلستان ۰ همدان ۰ هرمزگان ۰ ایلام ۰ اِسپَهان ۰ کرمان ۰ کرمانشاه ۰ هوزستان ۰ کهگیلویا و بویراحمد ۰ کردستان ۰ لرستان ۰ مرکزی ۰ مزَنداران ۰ شمالی هراسان ۱ کَزوین ۰ کُم ۰ رِزوی هراسان ۰ سمنان ۰ سیستان و بلوچستان ۱ جنوبی هراسان ۰ تهران ۱ مشرکی آزربئیجان ۰ یزد ۰ زنجان ۰ ئے اَرزی ءَ تنیگہ ۱۱۲ دزنام مُچ کوتگ. ۸۳% دزنام چه ایران ءُ کم ءُ گیش ۱۷% ایران ءَ چہ در دیگ بیتگ انت۔. گیشیں سرپدی پہ ایران ءِ دزنام جنوکانی جاگہ ے واست ءَ اِدا ٹپّ اِت۔. -
آھری دزنام
-
تلگرامہ راہا دزنام جنگ بوتگ -
تلگرامہ راہا دزنام جنگ بوتگ
-
تلگرامہ راہا دزنام جنگ بوتگ
-
تلگرامہ راہا دزنام جنگ بوتگ
-
تلگرامہ راہا دزنام جنگ بوتگ
-
-
ھوارے چہ بلوچایں جھدکاران ءَ ای اَرزی بندات کرتگ
