احسان فریدی‌نین اعدام حؤکمونه یوخ دئییریک
۲۵۱
ایمضا
۵۰۰
آماج
خطاب: ایران اسلام جمهوریتی محکمه قورومونون رئیسینه
بیر اؤیرنجی‌یه اعدام حؤکمو سیستماتیک عدالتسیزلییین باشقا بیر گؤسترگه‌سی‌دیر!
بیز، بو دیلکچه‌نی امضالایانلار، آذربایجانلی سیاسی محبوس و تبریز اونیوئرسیته‌سی‌نین استحصالات مهندسلییی اؤیرنجیسی اولان احسان فریدی‌یه اعدام حؤکمو وئریلمه‌سیندن درین نگرانچی‌لیغیمیزی بیلدیریریک.
۲۲ یاشلی احسان فریدی ۱۴۰۳-جو ایلین خرداد آیی‌نین ۲۹-دا تبریز عمومی و انقلاب دادستانلیغی‌نین ۱۵-جی استنطاق شعبه‌سینه مراجعت ائتدیکدن سونرا حبس اولونوب و سونرادان تبریز انقلاب محکمه‌سی‌نین 3-جو شعبه‌سینده، حاکیم علی شیخلونون صدرلییی ایله، «یئر اوزونده فساد تؤرتمک» اتهامی ایله اعداما محکوم ائدیلیب. بو حؤکم، عدالتلی محکمه پرینسیپ‌لری نظره آلینمادان ۱۴۰۳-جو ایلین بهمن آییندا چیخاریلیب و ایندی عالی محکمه‌ده تجدیدنظر مرحله‌سینده‌دیر.
بیز، بو دیلکچه‌نی امضالایانلار، بو حؤکمو آشاغی‌داکی سبب‌لردن عدالتسیز و تهلوکه‌لی حساب ائدیریک:
1. گوناهسیزلیق پرینسیپی‌نین پوزولماسی:
آذربایجانلی بو اؤیرنجی‌یه قارشی «یئر اوزونده فساد تؤرتمک» اتهامی هئچ بیر مستند مدرکه اساسلانمادان، ساده‌جه تهلوکه‌سیزلیک قوروملارینین حساباتلارینا استناد ائدیلرک ایره‌لی سورولوب.
2. مستقل حقوقی مدافعه‌نین اولماماسی:
احسان و عایله‌سی استنطاقین باشلانغیجیندان اعتبارا آزاد شکیلده وکیل سئچمک و ایشین دئتاللارینا چیخیش حقوقوندان محروم ائدیلیب‌لر.
3. تضییق و هده‌لرله اوزلشمه:
معلوماتلی قایناقلارین تصدیقله‌دییینه گؤره، احسان حبس ائدیلدیکدن سونرا اؤز علیهینه ایفاده وئرمه‌یه مجبور ائدیلیب و ساخلانما مدتینده انسان لیاقتینه ضد رفتارلارا معروض قالیب.
4. اتهامنامه وئرن شخصین فسادی:
احسان فریدی‌یه قارشی اتهامنامه‌نی وئرن مستنطق علی موسوی اقدمین سونرادان روشوه، ساختاکارلیق و فساد اتهاملاری ایله محکمه سیستمیندن اخراج ائدیلمه‌سی فاکتی، اونون تقدیم ائتدییی اتهامنامه‌نین اعتیبارلیلیغینی جدی سوال آلتینا آلیر.
5. باسقی نومونه‌لرینین تکراری:
احسان فریدی آغیر اتهاملار و غیر انسانی جزالارلا اوزله‌شن نه ایلک، نه ده سون آذربایجانلی اؤیرنجی‌دیر. بو پروسه، ایراندا ائتنیک قروپلارین، اؤیرنجی‌لرین و عدالت طلب ائدن فعاللارین سسینی بوغماق اوچون آپاریلان داها بؤیوک بیر پروژه‌نین ترکیب حیصه‌سی‌دیر.
ایستک‌لریمیز:
1. احسان فریدی‌نین اعدام حؤکمونون درحال لغو ائدیلمه‌سی و سیاسی-تهلوکه‌سیزلیک یؤنلو اعداملارین دایاندیریلماسی.
2. عدالتلی محکمه پرینسیپ‌لرینه رعایت اولوناراق، مستقل وکیلین اشتراکی ایله ایشین یئنیدن آراشدیریلماسی.
3. ایشین اجتماعی و مستقل شکیلده آراشدیریلماسی و فسادا اتهام اولونان مستنطقین بو ایشده‌کی رولونون آیدین‌لاشدیریلماسی.
4. اگر احتیاج وارسا، احسان فریدی‌نین تعجیلی اولاراق طبی خیدمته چاتدیریلماسی و محکوملارین اساس حقوقلارینا رعایت اولونماسی.
5. ائتنیک آزلیقلارا و تنقیدچی اؤیرنجی‌لره قارشی سیستماتیک باسقی سیاستینه سون قویولماسی.
احسان فریدی نه فساد تؤره‌دن، نه ده تهلوکه‌لی شخص‌دیر؛ او، ساده‌جه گنج بیر اؤیرنجی‌دیر، تنقیدی دوشونجه‌یه صاحب بیر سس‌دیر و ایراندا ائتنیک‌لره، گنج‌لره و آیدینلارا قارشی اولان سیستماتیک آیری سئچکی‌لییین بیر سمبولودور.
بیز اونون آزادلیغینی و بو عدالتسیز حؤکمون لغوینی ایسته‌ییریک.
سون حادیثه‌لر
-
امضالارین یئری
اوستان ایمضالارین ساییسی البرز ایالتی 4 اردبیل ایالتی 2 بوشهر ایالتی 2 چهارمحال و بختیاری ایالتی 1 دوغو آذربایجان ایالتی 10 فارس ایالتی 4 گیلان ایالتی 5 گولوستان ایالتی 3 همدان ایالتی 0 هرمزگان ایالتی 1 ایلام ایالتی 0 اصفهان ایالتی 1 کیرمان ایالتی 0 کیرمانشاه ایالتی 0 خوزیستان ایالتی 1 کهگیلویه و بویر احمد ایالتی 0 کوردیستان ایالتی 1 لوریستان ایالتی 0 مرکزی ایالتی 1 مازندران ایالتی 2 قوزئی خوراسان ایالتی 0 قزوین ایالتی 0 قوم ایالتی 0 رضوی خوراسان ایالتی 7 سیمنان ایالتی 0 سیستان و بلوچستان ایالتی 0 خوراسان ایالتی 0 تهران ایالتی 23 باتی آذربایجان ایالتی 8 یزد ایالتی 2 زنگان ایالتی 1 بو دیلیکچه ایندییه‌جن 251 ایمضا توپلاییب‌دیر. 93% ایران‌دان، 7% حدودوندا ایسه خاریجدن گلمیشدیر. ایران خریطه‌سینده ایمضالارین ترکیبی حاققیندا داها آرتیق بیلگی الده ائتمک اوچون بورا کیلیکلهیین. -
سون ایمضالار
-
تلگرام واسطه‌سی ایله ایمضالاماق -
مخالف مجازات اعدام هستم.
-
مخالف مجازات اعدام هستم.
-
اتهام «افساد فی‌الارض» علیه این دانشجوی آذربایجانی بدون ارائه مدارک مستند و صرفاً بر اساس گزارش‌های دستگاه‌های امنیتی مطرح شده است.
-
مخالف مجازات اعدام هستم.
-
-
بیر اعداما قارشی فعال بو دیلکچه‌نی یازدی
