Ardabil are not sacrifices in the help of emergency warders
۲۳۴
ایمضا
۵۰۰
آماج
اردبیل اوستانی‌نین گئرمی شهرینده باش وئرن داشقین و جیددی جان و دولانیشیق ایتکیسیندن بیر آيدان آرتیق کئچمه‌سینه باخماياراق، حؤکومت رسمی‌لری هله ده اونلارا یاردیم ائتمه‌یه اللری گئتمیر.
۱۴۰۲-جی ایلین خورداد آیی‌نین 9-و، سه‌شنبه گونو، اردبیل اوستانینا باغلی اولان گئرمی شهرینده باش وئرن شیددتلی یاغینتی‌لار و آردیندان آخان گوجلو سئلین نتیجه‌سینده؛ بو شهر و اونا تابع کندلرین ائولری، اکین یئرلری ایله آلت یاپی‌لارینا جیددی زیانلار وورموشدو. بو، ۱۴۰۲ -جی ایلین تیر آیی‌نین اوللرینه‌جن داوام ائده‌جک، اوچ دفعه یاغان یاغیش‌لار و اونلارین آردینجا آخان ییخیجی سئل‌لرین باشلانغیجی ایدی. متخصص‌لرین فیکرینجه، بو سون اللی ایلده گؤرونمه‌میش بیر حادثه‌‌دیر.
بو آرادا گئرمی شهری و اونا تابع کندلرین سو شبکه‌سی آرادان گئدیب، ساکین‌لر ایسه ایچمه‌لی سودان محرومدورلار. فقط قیزیل آیپارا جمعیتی ایله سو و کانالیزاسیون ایشلر ایداره‌سی‌نین سو تانکئرلری اهالی آراسیندا محدود شکیلده سو پایلاماغا باشلامیشلار. بو میقداردا سو، سئل باسمیش اینسانلارین احتیاجلارینی قارشیلامیر. اونلار ياغیش سويوندان باشقا احتیاجلاری اوچون ایستیفاده ائتمه‌لی اولورلار. بو آرادا گئرمی اهالیسی‌نین بعضی احتیاجلاری اوچون هم تانکئر سويوندان ایستیفاده اولونماسی، هم ده ياغیش سولاریندان ایستیفاده تهلوکه‌‌لی‌دیر و بو سولارین چیرکلنمه‌سی و ایستیفاده‌سی نتیجه‌سینده خسته‌لیک‌لرین يايیلماسی احتیمالی دا واردیر. یکشنبه گونو، خورداد آیی‌نین ۲۸-ده گئرمی و بیله‌سووار شهرلرینین کندلرینه يئنیدن ياغان شیددتلی ياغیش و دولو، داغیدیجی سئلله ياناشی، بیر چوخ اکین یئرلری ایله کند ائولرینی سو باسمیش، يوللارا، ائلئکتریک و سو تجهیزاتی شبکه‌لرینه جیددی زیان وورموشدور.
۱۴۰۲-جی ایل خورداد آیی‌نین سونوندا ياغان ياغیشلار و آردینجا اوز وئرن داشقین‌لار نتیجه‌سینده گئرمی شهرینده ۷ نفر جانینی الدن وئرمیش، ۲ نفر ایسه يارالانمیشدیر. هابئله داشقی‌نین چوخ اولماسی سببیندن ائولری و اکین ساحه‌‌لرینی سو باسیب، کند ساکین‌لرینین يوزلرله مال-داواری تلف اولوب، بیر نئچه نقلیات واسطه‌‌سی ده سیرادان چیخیب. گئرمی، بیله سووار، اؤنگوت شهرلری و تابع کندلرده داغیدیجی سئللره سبب اولان شیددتلی ياغیشلاردان سونرا، ساکین‌لرین ياشايیش ائولرینه چوخلو زیانلار ده‌يمیش، بعضی ائولر ایسه داها اوتورمالی دئییل‌لر.
بونونلا بئله دؤولت اورقانلارینین گئرمی‌نین سئل باسمیش منطقه‌لرینه اولان یاردیملاری اولدوقجا آز، و حتی پولیس و تهلوکه‌‌سیزلیک اورقانلاری مدنی فعاللارین سو باسمیش اراضی‌لره یاردیم ائتمه‌لرینه مانع اولورلار. گئرمی شهرینین ساکین‌لرینین ائولری ایله ياناشی، يوللاری، مال-داواری، سو شبکه‌سی، اکینه‌جک‌لری ده داغیدیجی ياغیشلار و داشقین‌لار نتیجه‌سینده آرادان گئتمیش. اونسوز دا یالنیز اکدیک‌لری محصوللار دئییل، بلکه اکین یئرلرینی ده سئل یویوب آپارمیشدی. بونونلا بئله سئلدن اؤنجه، اردبیل اوستانی‌نین قوزئیینده ۳۵۰ مین هئکتار یئر، او جومله‌‌دن مئشگین‌شهر، گئرمی، اؤنگوت، آسلاندوز و بیله‌سووار شهرلرینده دئم اکین ساحه‌لرینین ۱۰۰-۸۰ فایزی قوراقلیق سببیندن آرادان گئدیب، اکینچی‌لره ایسه هئچ بیر محصول قالمامیشدی. دئمه‌لی گئرمی شهرینین سئل باسمیش اهالیسی‌نین ایندی نه ایچمه‌یه سویو، نه ده یئمه‌یه چؤره‌یی واردیر.
بو دیلکچه‌نی ایمضالايانلار؛ دؤولت اورقانلاریندان و صلاحیتلی مسئوللاردان داشقیندان ضرر چکن‌لره تعجیلی ياردیم ائتمه‌لرینی و اونلارین تهلوکه‌‌سیز شرایط‌ده مووققتی ياشامالاری اوچون امکان ياراتمالارینی ایسته‌يیرلر. هابئله بو دؤنمده سئلدن ضرر چکن‌لرین کئچینمه‌سی اوچون ساغلیق ملزمه‌لری، سو، چؤرک و دیگر قیدا مادده‌لرینه احتیاج دويولماقدادیر. بو ندنله، بو دیلکچه‌نی ایمضالايانلار، کندلی‌لرین ائولئرینه، باغلارینا، تارلالارینا، مال-داوارلارینا و اکین محصول‌لارینا وورولان ضررلرین میقدارینین بللنمه‌سینی و ایلگیلی مسئوللاردان بو دؤنمده، ضررلرین همن کندلی‌لره اؤدنمه‌سی ایستمک‌ده‌دیر.
۱۴۰۲-جی ایلین تیر آیی‌نین ۱۷-سی
سون حادیثه‌لر
-
امضالارین یئری
اوستان ایمضالارین ساییسی البرز ایالتی 1 اردبیل ایالتی 1 بوشهر ایالتی 0 چهارمحال و بختیاری ایالتی 0 دوغو آذربایجان ایالتی 4 فارس ایالتی 0 گیلان ایالتی 3 گولوستان ایالتی 1 همدان ایالتی 0 هرمزگان ایالتی 0 ایلام ایالتی 0 اصفهان ایالتی 2 کیرمان ایالتی 1 کیرمانشاه ایالتی 0 خوزیستان ایالتی 1 کهگیلویه و بویر احمد ایالتی 0 کوردیستان ایالتی 0 لوریستان ایالتی 0 مرکزی ایالتی 0 مازندران ایالتی 0 قوزئی خوراسان ایالتی 0 قزوین ایالتی 2 قوم ایالتی 0 رضوی خوراسان ایالتی 1 سیمنان ایالتی 1 سیستان و بلوچستان ایالتی 0 خوراسان ایالتی 1 تهران ایالتی 20 باتی آذربایجان ایالتی 3 یزد ایالتی 0 زنگان ایالتی 0 بو دیلیکچه ایندییه‌جن 234 ایمضا توپلاییب‌دیر. 69% ایران‌دان، 31% حدودوندا ایسه خاریجدن گلمیشدیر. ایران خریطه‌سینده ایمضالارین ترکیبی حاققیندا داها آرتیق بیلگی الده ائتمک اوچون بورا کیلیکلهیین. -
سون ایمضالار
-
-
-
سامان یاسین باید آزاد شود.
-
امضا با تلگرام
-
-
-
کنشگر تورک بو دیلکچه‌نی یازدی
دفاع از مظلومین