خویون زلزله وورموشلارینین تعجیلی احتیاجلاری
۳۴۲
ایمضا
۱۴۰۱-جی ایلین بهمن آیی‌نین آخشام ساعات‌لاریندا، غربی آذربایجان استانی‌نین خوی شهری و اونا باغلی بیر چوخ کندلرده ۵.۹ ریشتر گوجونده زلزله باش وئرمیش و چوخلو خسارت‌لر تؤرتمیشدیر. رسمی مسئول‌لارین دئدییینه گؤره، خوی اهالیسیندن اوچ نفر جانینی الدن وئریب، 8 یوز نفره یاخین ایسه یارالانیب‌دیر. یارالی‌لارینین ساییسی خویون ساغلیق مرکزلرینین ظرفیتیندن آرتیق اولدوغونا گؤره، بیر چوخلاری درمان اوچون سلماس، اورمیه و تبریزه گئتمیش‌لر.
اؤلکه‌نین هاواشیناسلیق قورومونون معلوماتینا گؤره، زلزله زامانی بو اراضی‌لرده هاوانین درجه‌سی صیفیرین آلتیندا اولوب و گله‌جک گونلرده ده قار یاغماسی ایله سویوق داوام ائده‌جک‌دیر.
بو وضعیت‌ده ایستی پالتار، پتو، والوور، الکتریک قیزدیریجی‌لار و موقتی یاشاییش اوچون کانکس ایله چادیر کیمی تجهیزات‌لارین اولماماسی، زلزله‌وورموش‌لارین وضعیتینی داها دا چتین‌لشدیریب‌دیر. هرگون خوی شهرینین فرمانداریسی، هلال احمر و دیگر دؤولت قوروملارینین قارشیسیندا، زلزله‌وورموش‌لارین اوزون صف‌لری یارانیر. آمما اونلار گرکلی لازیمات‌لارینی آلابیلمه‌ییب، حتی پولیس و شخصی پالتارلی قووه‌لر طرفیندن تحقیر اولونوب، دؤیولورلر ده.
آذربایجانلی سندلی فیلم اوستاسی محمد علی‌مرادی شخصی اینیستاگرام صفحه‌سینده بیر نئچه خبر پایلاشاراق، کانکس، قیزدیریجی و ساغلیق ملزمه‌لری ایله یئمه‌لی‌یه احتیاج اولدوغونو قئید ائدیب‌دیر. زلزله‌وورموش‌لارین تعجیلی اولاراق چؤره‌یه احتیاجلاری واردیر. دؤولت اورقانلاری تعجیلی آددیملار آتمیرلار. یاردیم ائتمه پروسه‌سی چوخ یاواش ایره‌لی‌له‌ییر. دؤولت رسانه‌لری ده یاردیملارین مقداری و نئجه‌لیییندن آلدادیجی خبرلر یاییرلار. دوشنبه گونو ۱۴۰۱-جی ایلین بهمن آیی‌نین 10-دا، «کرم نیک» تورکییه جمهوریتی‌نین هلال احمر کمیته‌سی‌نین صدری آتدیغی توییت‌ده، ایرانین هلال احمر قورومونون تورکییه‌دن قارداش قورومون کؤمه‌یینی قبول ائتمه‌یه حاضیر اولمادیغینی یازیب‌دیر. اونون هابئله ایرانلی تایلارینا استناد ائتدییی خبر ده دوغرو دئییل، «ایران هلال احمری [خوی‌دا] ۲۰ مین زلزله‌وورموشا ۲۱ دنه کمپ یارادیب‌دیر». آمما شاهیدلرین دئدییینه گؤره، بو خبر دوز دئییل. بحران مدیریتی کمیته‌سی‌نین مسئول‌لاریندان اولان اژدر طالبی «چادیرین دامجی-دامجی گؤندریلمه‌سی»ندن خبر وئررک، علاوه ائدیب کی مسئول‌لارین «بحرانی اداره ائتمک اوچون یازیلی پلان‌لاری یوخدور». عایله‌لرین بیر چوخو گئجه‌نی ماشین‌لاریندا یاتیرلار.
آذربایجانین کسکین سویوغوندا بیر سیرا وطنداشلار شهر رابطه‌سی و مجازی فضا واسطه‌سی ایله یاردیم، اؤزللیکله ده قیزدیریجی وسیله‌لر، بهداشتی ملزمه‌لر و یئمه‌لی باغلامالاری توپلاییرلار. آمما زلزله‌وورموش‌لارین موقتی سیغیناجاغی و صیفیرین آلتینداکی سویوق‌دان و قاردان قوروماق اوچون کانکس آلماق، وطنداش جمعیتی و عادی خالقین عؤهده‌سیندن گله بیله‌جه‌یی بیر ایش دئییل. آرتجی زلزله‌لر داوام ائدیر و زلزله‌وورموش وطنداشلار ایسه چاتلامیش ائولرینه قاییدا بیلمیرلر. بیز دؤولت و غربی آذربایجان مسئول‌لاریندان ایسته‌ییریک، زلزله‌وورموش‌لارین داها آرتیق ضرر گؤرمه‌مه‌سی و مومکون خسته‌لیک‌لر ریسکیندن قورتولمالاری اوچون، اولدوقجا تئز حرکته کئچیب، کانکس و دیگر لازیم اولان ملزمه‌لری حاضیرلاسین‌لار.
سون حادیثه‌لر
-
امضالارین یئری
اوستان ایمضالارین ساییسی البرز ایالتی 3 اردبیل ایالتی 4 بوشهر ایالتی 1 چهارمحال و بختیاری ایالتی 0 دوغو آذربایجان ایالتی 13 فارس ایالتی 1 گیلان ایالتی 1 گولوستان ایالتی 2 همدان ایالتی 0 هرمزگان ایالتی 1 ایلام ایالتی 2 اصفهان ایالتی 1 کیرمان ایالتی 1 کیرمانشاه ایالتی 0 خوزیستان ایالتی 1 کهگیلویه و بویر احمد ایالتی 0 کوردیستان ایالتی 0 لوریستان ایالتی 1 مرکزی ایالتی 0 مازندران ایالتی 2 قوزئی خوراسان ایالتی 0 قزوین ایالتی 0 قوم ایالتی 0 رضوی خوراسان ایالتی 2 سیمنان ایالتی 0 سیستان و بلوچستان ایالتی 1 خوراسان ایالتی 0 تهران ایالتی 26 باتی آذربایجان ایالتی 2 یزد ایالتی 0 زنگان ایالتی 0 بو دیلیکچه ایندییه‌جن 342 ایمضا توپلاییب‌دیر. 77% ایران‌دان، 23% حدودوندا ایسه خاریجدن گلمیشدیر. ایران خریطه‌سینده ایمضالارین ترکیبی حاققیندا داها آرتیق بیلگی الده ائتمک اوچون بورا کیلیکلهیین. -
سون ایمضالار
-
-
-
-
امضا با تلگرام
-
امضا با تلگرام
-
-
بو دیلکچه‌نی یازدی
امضا با تلگرام